Salaar Box Office Collection: फक्त प्रभासचीच हवा! 'सालार' दुसऱ्या दिवशीही चमकला! कमाईचा आकडा शंभरी पार

Salaar Box Office Collection Day 2: साउथ सुपरस्टार अभिनेता प्रभासचा बहू प्रतिक्षित सिनेमा 'सालार' चित्रपटगृहात प्रदर्शित झाला आहे. हा चित्रपट 22 डिसेंबर रोजी जगभरात प्रदर्शित झाला आहे. गेल्या अनेक दिवसापासून सालारची चर्चा होती. आता सालार प्रेक्षकांच्या भेटीला आल्याने चित्रपट पाहण्यासाठी प्रेक्षक गर्दी करत आहे.

सालारने पहिल्या दिवशी जबरदस्त ओपनिंगसह सर्व चित्रपटांना मागे टाकले आहे. 'सालार'ने पहिल्याच दिवशी 90.7 कोटीच्या वर कमाई करत रेकॉर्ड केला होता.

दरम्यान, शनिवारी प्रभास आणि पृथ्वीराजच्या सालार पार्ट-1 सीझफायरने किती कमाई केली ते जाणून घेऊया.

'सालार'ने अवघ्या दोन दिवसांत 100 कोटींचा टप्पा ओलांडला आहे. Sacknilk च्या रिपोर्टनुसार, 90.7 कोटींची ओपनिंग केल्यानंतर प्रभासच्या चित्रपटाने दुस-या दिवशी 55 कोटींचा गल्ला जमवला आहे. तर चित्रपटाने देशांतर्गत बॉक्स ऑफिसवर एकूण 145.70 कोटी रुपयांची कमाई केली आहे.

प्रभासची क्रेझ चाहत्यांमध्ये दिसत आहे. ओपनिंग कलेक्शनच्या बाबतीत सालारने शाहरुख खानच्या 'जवान', 'पठाण'ला मागे टाकले होते.

'सालार' चे दिग्दर्शन प्रशांत नील यांनी केले आहे. या चित्रपटात प्रभासशिवाय पृथ्वीराज सुकुमारन, श्रुती हासन, जगपती बाबू रेड्डी यांच्यासह अनेक दिग्गज कलाकार आहेत.

सालारची कथा मैत्रीभोवती फिरते. चित्रपटात प्रभास देवची भूमिका साकारत आहे, पृथ्वीराज सुकुमारन वरदराज मन्नारची भूमिका साकारत आहे, जगपती बाबू राजमन्नारच्या भूमिकेत आहे, तर श्रुती हासन 'सालार'मध्ये आद्याची भूमिका साकारत आहे.

'सलार: पार्ट वन - सीझफायर' तेलगू, हिंदी, तमिळ, मल्याळम आणि कन्नडसह अनेक भाषांमध्ये रिलीज झाला.

'सलार'च्या एक दिवस आधी शाहरुख खानचा 'डंकी' चित्रपट प्रदर्शित झाला होता. चाहते बऱ्याच दिवसांपासून या चित्रपटाची वाट पाहत होते. 'सालार'ने 'डंकी'चा खेळ बिघडला आणि प्रभासच्या चित्रपटाने बॉक्स ऑफिसवर धुमाकूळ घातल्याचे चित्र आहे.

'डंकी'ने पहिल्या दिवशी जवळपास 30 कोटींची ओपनिंग दिली, तर 'सालार' रिलीज झाल्यानंतर दुसऱ्या दिवशी शाहरुख खानच्या चित्रपटाच्या कलेक्शनमध्ये मोठी घसरण झाली. तर रिलिजच्या दुसऱ्या दिवशी देखील सालारने चांगली कमाई करत डंकीला मागे टाकले आहे.