Salman Khan: तो साठीच्या जवळ, बॉलिवूडमधली 'ती' तिशीतली! 'डेटिंग' सुरु...

Salman Khan Bollywood Bhaijan now reletionship: बॉलीवूडचा भाईजान सलमान खान याच्याविषयी जेवढं काही बोलावं तेवढं कमी आहे. तो नेहमीच स्वताला वेगवेगळ्या कारणामुळे चर्चेत ठेवतो. गेल्या अनेक वर्षांपासून तो बिग बॉस या लोकप्रिय रियॅलिटी शो चा होस्ट आहे. त्यानं त्याच्या आक्रमक स्वभावामुळे त्या शो ची लोकप्रियता टिकवून ठेवली आहे.

आता सलमान एका वेगळ्याच कारणामुळे चर्चेत आला आहे. तसा तो त्याच्या सह अभिनेत्रींमुळे चाहत्यांच्या चर्चेचा विषय असतोही. बॉलीवूडमध्ये सध्या ज्या टॉपच्या अभिनेत्री आहेत त्यांना ब्रेक देण्यात सलमानचा मोठा वाटा असल्याचे दिसून येते. बऱ्याचशा अभिनेत्रींना सलमानमुळे एकतर त्याच्या चित्रपटात किंवा दुसऱ्या एका दिग्दर्शकाच्या चित्रपटामध्ये डेब्यु करण्याची संधी मिळाल्याचे दिसून आले आहे.

हेही वाचा - Digital Rupee India : देशाचे नवे पर्यायी चलन ‘डिजिटल रुपी’

दीया मिर्झा, प्रीती झिंटा, राणी मुखर्जी, झरीन खान, सुश्मिता सेन, डेजी शाह, कतरिना कैफ, जॅकलीन फर्नांडिझ, दिशा पटानी याशिवाय अनेक अभिनेत्रींना सलमाननं त्याच्या चित्रपटामध्ये काम करण्याची संधी दिली होती. यातील बहुतांशी अभिनेत्रींना त्यानं पहिल्यांदाच आपल्या चित्रपटातून समोर येण्यासही त्यानं वाव दिला. यासगळ्यात आणखी एका अभिनेत्रीचं नाव पुढे आलं आहे. त्यामुळे सलमान हा सोशल मीडियावर चर्चेतही आला आहे.

सलमाननं आता ज्या अभिनेत्रीला आपल्या चित्रपटामध्ये ब्रेक दिला आहे त्या अभिनेत्रीचे नाव आहे पुजा हेगडे. ती टॉलीवूडची लोकप्रिय अभिनेत्री आहे. मात्र बॉलीवूडमधील अनेक चित्रपटांमध्ये तिनं चमकदार भूमिका केल्या आहेत. आपल्यापेक्षा वयानं २४ वर्षांहून लहान असणाऱ्या अभिनेत्रीच्या प्रेमात भाईजान पडल्यानं त्याच्यावर नेटकऱ्यांनी कौतूकाचा वर्षाव केला आहे दुसरीकडे त्याला ट्रोलही केले आहे.

उमैर संधूच्या एका व्टिटनं सध्या सोशल मीडियावर वेगळ्याच चर्चेला उधाण आले आहे. त्यात उमैरनं असं म्हटलं आहे की, सलमान आणि पुजा हेगडे हे रिलेशनशिपमध्ये आहेत. ब्रेकिंग न्युज, सलमान आणि पुजा हेगडे हे बॉलीवूडचे नवीन कपल असल्याचे संधुचे म्हणणे आहे. विशेष म्हणजे सलमानच्या जवळच्या व्यक्तींनी देखील या गोष्टीवर शिक्कामोर्तब केल्याचे म्हटले आहे.