Salman Khan Help Rakhi Sawant: आईचे उपचार ते तिचं लग्न...प्रत्येक वेळी राखीच्या मदतीला धावला सलमान

बॉलिवूड अभिनेता सलमान खानला असच इंडस्ट्रीत भाईजान म्हटले जात नाही. अनेकवेळा तो भाऊ बनून लोकांना मदत करतानाही दिसतो. त्याने अभिनेत्री राखी सावंतलाही खूप मदत केली आहे. राखी सलमान खानला आपला भाऊ मानते. राखी जेव्हा कधी अडचणीत येते तेव्हा तिला नेहमीच सलमान खानची आठवण येते.

नुकतेच राखीच्या आईचे निधन झाले आणि यादरम्यानही ती सलमानला आठवून रडताना दिसली. सलमान खानने अनेक प्रसंगी राखी सावंतला मदत केली आहे, ज्याबद्दल अभिनेत्रीने उघडपणे सांगितले. जाणून घेऊया आतापर्यंत कोणत्या केसेसमध्ये सलमानने 'मसिहा' बनून राखीला मदत केली आहे.

जेव्हा राखी सावंत 'बिग बॉस 14' मध्ये होती तेव्हा तिला समजले की तिची आई आजारी आहे. बाहेर आल्यानंतर तिला समजले की तिच्या आईला कॅन्सर झाला आहे आणि त्यानंतर सलमान खानने तिच्या आईला उपचारात मदत केली. याची माहिती खुद्द अभिनेत्रीनेच लोकांना दिली होती.

राखी सावंतने रितेश नावाच्या व्यक्तीसोबत केलेल्या गुपचूप लग्नामुळे खूप चर्चेत आली होती. ती पती रितेशसोबत 'बिग बॉस 15'मध्येही दिसली होती. यादरम्यान रितेशने अनेकवेळा राखीसोबत गैरवर्तन केले होते आणि त्यानंतर सलमानने अभिनेत्रीला समजावले होते आणि रितेशला फटकारले होते.

राखी सावंत 'बिग बॉस'च्या अनेक सीझनमध्ये दिसली आहे. ती 'बिग बॉस 16' मध्येही दिसणार असल्याची चर्चा होती. मात्र, हिंदी बिग बॉसऐवजी ती 'बिग बॉस मराठी सीझन 4' मध्ये दिसली. 'बिग बॉस'मधून बाहेर पडल्यानंतर राखीने सलमान खानचे आभार मानले कारण तिला 'बिग बॉस मराठी'मध्ये प्रवेश मिळाला.

काही काळापूर्वी राखी सावंतने अचानक लग्नाची घोषणा करून सर्वांना आश्चर्याचा धक्का दिला होता. राखीने सात महिन्यांपूर्वी आदिल खानशी लग्न केल्याचे सांगितले होते. यासाठी अभिनेत्रीने तिचा धर्म आणि नावही बदलले होते. राखीने तिच्या लग्नाच्या बातमीने सर्वांना आश्चर्यचकित केले होते, तर तिचा पती आदिल हे स्वीकारत नव्हता.

काही दिवसांनी आदिलने राखीसोबतचे लग्न मान्य केले होते. त्यानंतर राखीने खुलासा केला की सलमान खानने तिचे लग्न वाचवले. राखीने सांगितले की, सलमान भाईने आदिलशी फोनवर बोलून त्याला समजावले होते.