Salman Khan: सुजलेले लाल डोळे आणि उतरलेला चेहरा.. सलमानची अवस्था पाहून चाहते चिंतेत; व्हिडिओ व्हायरल

Salman khan in Karan Deol Wedding: सनी देओलचा लाडका लेक करण देओलच्या लग्नाची धामधूम आपण सर्वांनीच पाहिली. गेली काही दिवस बॉलीवुडमध्ये याच लग्नाची चर्चा होती. या निमित्ताने आपल्याला संपूर्ण देओल कुटुंब एकत्र आल्याचे दिसले.

हे लग्न जितके दिमाखात झाले तितकेच या लग्नाचे रिसेप्शन ही जोरदार झाले. या रिसेप्शनला जवळपास अवघं बॉलीवुड लोटलं होतं. अगदी नवोदित कलाकारांपासून ते ज्येष्ठ कलाकारही या रिसेप्शनला आवर्जून उपस्थिती होते.

पण यामध्ये सर्वांचे लक्ष वेधून घेतले ते अभिनेता सलमान खानने. सलमान रिसेप्शनला आला खरा पण त्याचा अवतार पाहून सर्वांनाच धक्का बसला. त्यावेळी सलमानची असलेली अवस्था पाहून चाहते चिंतेत आले आहे.

(Salman Khan's swollen eyes at Karan Deol's reception worries fans viral video)

सलमान खान या रिसेप्शन पार्टीत सहभागी झाला होता, त्याचा एक व्हिडीओ सध्या समोर आला आहे. यामध्ये नेव्ही ब्ल्यू कलरचा सूट त्याने परिधान केलेला दिसत आहे. मात्र, यावेळी सलमानचे सुजलेले लालबूंद डोळे आणि उतरलेला चेहरा पाहून सगळेच अस्वस्थ झाले.

हा व्हिडिओ सोशल मीडियावर व्हायरल होताच त्याच्या चाहत्यांनी चिंता व्यक्त केली आहे. हे नेमकं का आणि कशामुळे झालं हे अद्याप समोर आलेलं नाही. अनेकांनी तो फिट असल्याचंही म्हंटलं आहे. पण चाहते मात्र सध्या काळजीत आहेत.

सलमान खान सध्या त्याच्या 'बिग बॉस ओटीटी २' मुळे चर्चेत आहे. गेले काही दिवस चाहते या शोची आतुरतेने वाट पाहत होते. १७ जूनपासून या कार्यक्रमाला सुरुवात झाली. सध्या या शोमध्ये नेमकं काय घडतंय याकडे सर्वांचेच लक्ष लागले आहे.