सॅम बहादूर सिनेमा लवकरच प्रेक्षकांच्या भेटीला येणार आहे. विकी कौशल सिनेमात प्रमुख भुमिकेत आहे. सॅम बहादूर सिनेमा फील्ड मार्शल सॅम माणेकशॉ यांच्या जीवनावर आधारीत आहे.
सॅम बहादूर सिनेमाची उत्सुकता शिगेला आहे. अशातच सॅम बहादूर सिनेमातलं पहिलं गाणं आज भेटीला आलंय. या गाण्याचं नाव बढते चलो. विशेष गोष्ट म्हणजे या गाण्यात भारतीय जवान शिवरायांचा जयघोष करताना दिसत आहेत.
सॅम बहादूर सिनेमातलं पहिलं गाणं भेटीला आलंय. या गाण्याचं नाव बढते चलो. या गाण्यात भारतीय जवान युद्धासाठी सज्ज असुन फील्ड मार्शल सॅम माणेकशॉ त्यांना मार्गदर्शन करताना दिसत आहेत.
प्रतिकूल परिस्थितीत शत्रूंशी दोन हात करणारे भारतीय जवान दिसत आहेत. विशेष गोष्ट म्हणजे युद्धभुमीत अंगात बळ आणण्यासाठी भारतीय जवान छत्रपती शिवरायांचा नारा लगावताना दिसत आहेत. याशिवाय दुर्गा माता, बजरंगबली, बिरसा मुंडा आणि अखेरीस भारतमातेचा जयघोष करताना भारतीय जवान दिसत आहेत. हे गाणं ऐकून संकटाचा सामना करण्याची ताकद सर्वांना मिळेल.
१९७१ साली भारत आणि पाकिस्तान युद्धामध्ये मोठी कामगिरी केलेल्या फिल्ड मार्शल सॅम माणेकशॉ यांची गोष्ट सॅम बहादूर चित्रपटातून सांगण्यात आली आहे. त्यात जनरल सॅम माणेकशॉ यांची भूमिका विकी कौशलनं साकारली आहे.
सॅम माणेकशॉ यांनी तत्कालीन पंतप्रधान इंदिरा गांधींसमोर त्यांची भारतीय सैन्याबद्दल त्यांची ठाम भूमिका मांडली होती.
सॅम बहादुर या चित्रपटात विकी कौशल, सान्या मल्होत्रा, फातिमा साना शेख असे कलाकार झळकणार आहेत. या सिनेमाचं दिग्दर्शन मेघना गुलजार यांनी केलंय.
सॅम बहादुर चित्रपट १ डिसेंबर रोजी चित्रपटगृहामध्ये येणार आहे. त्याची टक्कर रणबीर कपूरच्या अॅनिमल सोबत असणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
