Sangita Bijlani Birthday : लग्नाची तारीख ठरली, पत्रिकाही वाटल्या! पण...

Sangeeta Bijlani Birthday : बॉलीवूडची कोणेएकेकाळची सौंदर्यवती आणि अभिनेत्री संगीता बिजलानी ही नेहमीच तिच्या वेगवेगळ्या कारणांसाठी चर्चेत असणारी सेलिब्रेटी ठरली आहे. गेल्या काही दिवसांपासून संगीता ही काही बॉलीवूडच्या पार्ट्यांमध्ये दिसली होती. तीन दशकांहून अधिक काळ मनोरंजन विश्वात वावर असणाऱ्या संगीताचा आज जन्मदिवस आहे.

संगीताचे नाव तिच्या अनेक सहकलाकारांसोबत जोडले गेल्याचे दिसून आले आहे. मात्र यासगळ्या ती एकाच अभिनेत्याच्या नावामुळे जास्त चर्चेत राहिली. तो अभिनेता बॉलीवूडचा भाईजान सलमान खान. सलमान आणि संगीतामधील प्रेम, त्या प्रेमाच्या गोष्टी या नेहमीच दोन्ही सेलिब्रेटींसाठी वादाचा मुद्दा राहिला आहे. संगीता बिजलानीचं भाईजानवर असणारं प्रेम सर्वश्रृत आहे. ती त्याच्यासाठी वेडी झाली होती.

Also Read -manipur violence : दोन महिन्यांपासून अशांत असलेलं मणिपूर हे नवं काश्मीर बनतंय का? या

एका मुलाखतीमध्ये संगीतानं तिच्या जुन्या आठवणींना उजाळा दिला आहे. त्यात तिनं म्हटलं आहे. मी माझ्या करिअऱची सुरुवात मॉडेल म्हणून केली. मिस इंडियाचा खिताब आपल्या नावावर करणाऱ्या संगीताचं करिअर सलमानमुळे जास्त लाईमलाईटमध्ये आलं होतं. त्यांची वाढती मैत्री ही प्रेमात रुपांतरित झाली. त्यांनी लग्न करण्याचा निर्णय घेतला. त्या लग्नाच्या पत्रिकाही वाटून झाल्या. पण त्यानंतर असे काही घडले की, सलमाननं त्या लग्नाला नकार दिला.

संगीता आज ६३ वर्षांची झाली आहे. संगीता आणि सलमान हे दहा वर्षे रिलेशनशिपमध्ये होते. यावरुन त्यांची मैत्री किती घनिष्ठ होती हे दिसून येईल. त्याची बराचकाळ चर्चाही होती. मात्र सलमाननं त्या मैत्रीला काही विशिष्ट काळापुरतीच मर्यादित ठेवली. सलमान खाननं त्याच्या बिइंग सलमान नावाच्या पुस्तकामध्ये या गोष्टीचा उल्लेख केला आहे. २७ मे १९९४ रोजी त्यांचे लग्न होणार होते. मात्र सलमान ऐनवेळी नाही म्हटवा होता.

सलमान आणि सोमी अली यांच्यातील नात्याची कुणकुण संगीताला होती. त्यामुळेच की काय संगीतानं देखील या लग्नाला नकार दिला. त्यानंतर तिनं भारतीय क्रिकेट संघाचा माजी कर्णधार मोहम्मद अझरुद्दीन सोबत लग्न केले. त्यांचा संसार १४ वर्ष चालला त्यानंतर त्यांनी २०१० मध्ये घटस्फोट घेतला.