Hera Pheri 3: आता मिळणार मनोरंजनाचा वाढिव डोस...हेरा फेरी 3 मध्ये चौथ्या पात्राची एन्ट्री

अक्षय कुमारच्या मोस्ट अवेटेड चित्रपट 'हेरा फेरी 3' बद्दल अनेकदा काही अपडेट्स समोर येतात. सध्या हा चित्रपट मुख्य स्टारकास्टच्या चर्चेत आहे. चित्रपटाचा तिसरा भाग अक्षय कुमारला घेऊनच बनवला जाणार असल्याचे निश्चित झाले आहे.

चित्रपटातील महिला कलाकारांबाबत काही नावे समोर आली आहेत. आता आणखी एक नाव समोर आलं आहे, जो चित्रपटात खलनायकाची भूमिका साकारणार आहे.

हेरा फेरी 3 चित्रपटाच्या निर्मितीची घोषणा झाल्यापासून हा चित्रपट सतत चर्चेत आहे. चित्रपटाशी संबंधित काही माहिती सातत्याने समोर येत आहे. नुकतीच बातमी आली होती की या चित्रपटाचे टायटल 'हेरा फेरा 3' नसून 'हेरा फेरी 4' असेल.

आता या चित्रपटातील खलनायकासाठी एका मोठ्या कलाकाराला अप्रोच करण्यात आल्याची बातमी समोर आली आहे. हेरा फेरी ३ मध्ये संजय दत्तची एन्ट्री झाल्याचे वृत्त आहे.

मीडिया रिपोर्ट्सनुसार, संजय दत्त नकारात्मक भूमिकेत दिसणार आहे. मात्र, या प्रकरणाबाबत कोणतीही अधिकृत प्रतिक्रिया देण्यात आलेली नाही. संजय दत्तसोबतच त्याचा 'मुन्नाभाई एमबीबीएस'चा को-स्टार अर्शद वारसीचीही चर्चा आहे.

या चित्रपटात संजय दत्त एका खलनायकाच्या भूमिकेत दिसणार आहे, जो पाहू शकत नाही, असे बोलले जात आहे. असे म्हणता येईल की जर तसे असेल तर त्याचे पात्र खूपच विचित्र असणार आहे.

मीडिया रिपोर्ट्सनुसार, 'हेरा फेरी'च्या या फ्रँचायझीसाठी दिशा पटनी, रश्मिका मंदान्ना आणि क्रिती सेनॉनला घेतले जाऊ शकते. मात्र, महिला कलाकारांबाबत कोणतीही अधिकृत घोषणा करण्यात आलेली नाही. निर्मात्यांनी अद्याप अंतिम नावावर शिक्कामोर्तब केलेले नाही. या चित्रपटाचे दिग्दर्शन अनीस बज्मी करणार आहेत.