Sankarshan Karhade: "आज मी पहिल्यांदाच..", टिळकांच्या जन्मस्थानी भेट दिल्यानंतर संकर्षणची खास पोस्ट

Sankarshan Karhade News: अभिनेता संकर्षण कऱ्हाडे हा मराठी मनोरंजन विश्वातील लोकप्रिय अभिनेता. संकर्षण मालिका, सिनेमा, नाटक अशा विविध माध्यमांमधून प्रेक्षकांचं मनोरंजन करतो. संकर्षणच्या प्रत्येक कलाकृतीवर लोकं भरभरुन प्रेम करत असतात.

संकर्षण सोशल मीडियावर विविध पोस्टच्या माध्यमातून त्याच्या चाहत्यांच्या संपर्कात असतो. नुकताच संकर्षण रत्नागिरीला गेला होता. तिथे त्याने लोकमान्य टिळकांच्या जन्मस्थानी भेट दिली. त्यानंतर संकर्षणने एक खास पोस्ट लिहीली आहे.

संकर्षणने दिली लोकमान्य टिळकांच्या जन्मस्थानी भेट

संकर्षणने सोशल मीडियावर लोकमान्य टिळकांच्या जन्मस्थानाचा फोटो शेअर केलाय. हा फोटो शेअर करुन संकर्षण लिहीतो, "“रत्नागिरी” शहरात आल्याआल्या दिवसाची सुरवात अशी झाली
लोकमान्यं टिळक जन्मस्थान आज मी पहिल्यांदाच पाहिलं..
कित्ती छान वाटलं ..
मग शहरातली फेमस “मिसळ आंबोळी” खाल्ली.. वाह .. मज्जा आली …. आता आज रात्री १० वा. प्रयोग तो ही खणखणीत होणार…"

संकर्षणचं वर्कफ्रंट

संकर्षणच्या वर्कफ्रंटबद्दल बोलायचं झालं तर तो सध्या नियम व अटी लागू या नाटकात आणि संकर्षण व्हाया स्पृहा या कार्यक्रमात काम करत आहे. या दोन्ही नाटकांचे प्रयोग सध्या रंगभूमीवर जोरात सुरु आहेत.

याशिवाय काही दिवसांपुर्वी संकर्षणची भूमिका असलेला तीन अडकून सीताराम सिनेमा रिलीज झाला होता.