Sara Ali Khan: बॉलिवूडमधील प्रसिद्ध अभिनेत्री सारा अली खान (Sara Ali Khan) ही तिच्या अभिनयानं आणि हटके अंदाजानं नेहमीच प्रेक्षकांची मनं जिंकत असते. साराचा 'ऐ वतन मेरे वतन' (Ae Watan Mere Watan) हा चित्रपट लवकरच प्रेक्षकांच्या भेटीला येणार आहे. या चित्रपटाचं मोशन पोस्टर काही दिवसांपूर्वी रिलीज झालं होतं. आता या चित्रपटाची रिलीज डेट जाहीर करण्यात आली आहे. 'ऐ वतन मेरे वतन' हा चित्रपट कधी आणि कोणत्या ओटीटी प्लॅटफॉर्मवर रिलीज होणार आहे? जाणून घ्या...
सारानं 'ऐ वतन मेरे वतन' या चित्रपटाचं पोस्टर शेअर करुन कॅप्शनमध्ये लिहिलं, "देश की कहानी, उषा की जुबानी, विश्व रेडियो दिवस पर! 'ऐ वतन मेरे वतन' हा चित्रपट अॅमेजॉन प्राइमवर 21 मार्चला रिलीज होणार आहे." सारानं शेअर केलेल्या पोस्टरवर नेटकऱ्यांनी लाइक आणि कमेंट्सचा वर्षाव केला आहे.
सचिन खेडेकर, अभय वर्मा, स्पर्श श्रीवास्तव, एलेक्स नील आणि आनंद तिवारी हे कलाकार 'ऐ वतन मेरे वतन' या चित्रपटात प्रमुख भूमिका साकारणार आहेत. इमरान हाशमी या चित्रपटात पाहुणा कलाकार म्हणून काम करणार आहे. करण जौहर, अपूर्व मेहता आणि सोमेन मिश्रा यांनी या चित्रपटाची निर्मिती केली आहे. स्वातंत्र्यसेनानी उषा मेहता यांची कथा 'ऐ वतन मेरे वतन' या चित्रपटात दाखवण्यात येणार आहे.
सारा अली खानच्या चित्रपटांना प्रेक्षकांची पसंती मिळते. जरा हटके जरा बचके, केदारनाथ, सिम्बा,लव्ह आज कल-2, अतरंगी रे या चित्रपटांमधून सारा प्रेक्षकांच्या भेटीला आली. आता साराच्या 'ऐ वतन मेरे वतन' या चित्रपटाची प्रेक्षक उत्सुकतेने वाट बघत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
