Ae Watan Mere Watan: सारा अली खान ही बॉलिवूडमधील लोकप्रिय अभिनेत्री. आजवर विविध भूमिका साकारुन साराने बॉलिवूड इंडस्ट्रीला तिची दखल घ्यायला भाग पाडलं. साराने कधी रोमँटिक तर कधी कॉमेडी व्यक्तिरेखा साकारुन प्रेक्षकांचं प्रेम मिळवलं.
सारा अली खानच्या नवीन सिनेमाची घोषणा झालीय. या आगामी सिनेमात सारा अली खान पहिल्यांदाच क्रांतीकारकाची भूमिका साकारणार आहे. या सिनेमाचं नाव ए वतन मेरे वतन.
काय असणार सिनेमाची कथा
सारा अली खानच्या 'ए वतन मेरे वतन' या चित्रपटाची घोषणा झाली. करण जोहरने त्याच्या इन्स्टाग्राम अकाऊंटवरुन ही घोषणा केलीय. या चित्रपटात उषा मेहताच्या भूमिकेत सारा अली खान झळकत आहे. साराचा लूक समोर आला असून तिच्या लूकने सर्वांना आश्चर्यचकीत केलंय.
या चित्रपटात सारा महत्त्वाच्या भूमिकेत दिसणार आहे. १९४२ मधील भारत छोडो आंदोलनाच्या पार्श्‍वभूमीवर साकारलेला 'ए वतन मेरे वतन' सिनेमा सत्य घटनांवर आधारीत आहे.
कोण होत्या उषा मेहता?
'ए वतन मेरे वतन' ची कथा मुंबईतील कॉलेजात शिकणाऱ्या उषा मेहता यांच्यावर आधारीत आहे. त्या स्वातंत्र्यसेनानी होत्या. ज्यांनी भारत छोडो आंदोलनादरम्यान रेडिओद्वारे देशभरात बातम्या प्रसारित करण्यात महत्त्वाची भूमिका बजावली होती.
वास्तविक, करण जोहरने काल सोशल मीडियावर घोषणा केली होती की 'ए वतन मेरे वतन' लवकरच प्राइम व्हिडिओवर प्रदर्शित होणार आहे. त्यामुळे सर्वांना या आगळ्यावेगळ्या सिनेमाची उत्सुकता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
