Zara Hatke Zara Bachke: सारा अली खान आणि विक्की कौशल यांचा 'जरा हटके जरा बचके' सिनेमाला चांगला प्रतिसाद मिळताना दिसत आहे. बॉक्स ऑफिसवर पहिल्याच आठवड्यात सिनेमानं दणक्यात कमाई केली, पहिल्या तीन दिवसांत सिनेमानं २० करोडहून अधिक कमाई केली आहे.
प्रेक्षकांकडून सिनेमाला मिळणारा प्रतिसाद आणि प्रशंसा पाहता सारा अली खान आपली आई अमृता सिंग आणि भाऊ इब्राहिम अली खान सोबत स्वतः सिनेमा पहायला थिएटरमध्ये पोहोचली. सर्वसामान्या लोकांसोबत सारानं सिनेमा पाहण्याचा आनंद लुटला पण यादरम्यान असं काही घडलं की साराची आई अमृता सिंग आणि भाऊ इब्राहिम अली खान रडू लागले.(Sara Ali Khan watched movie Zara Hatke Zara Bachke with Mother And Brother)
सारा अली खाननं याचा खुलासा करत म्हटलं की,'' मी आभारी आहे की माझा भाऊ आणि आई सिनेमा पाहताना खूप हसले आणि क्लायमॅक्सला मात्र भरपूर रडले. त्यांना माझा अभिमान आहे..माझ्यावर गर्व आहे''.
सिनेमाला मिळणारा प्रतिसाद पाहताना सारा अली खाननं सांगितलं की,'' मी स्वतःला मोठ्या पडद्यावर मिस करत होती. मला लोकांनी प्रेम दिलं त्यामुळे मी खूश आहे आणि खूप उत्साही देखील आहे''.
या सिनेमात काम करण्याविषयी सारा म्हणाली, ''मला वाटत आहे हा माझा पदार्पणातला सिनेमा आहे. मला खूप काही शिकायला मिळालं हा सिनेमा करताना आणि पुढे जाण्याची एक संधी या सिनेमानं मिळवून दिली''.
तुम्हाला माहितीसाठी सांगतो की 'जरा हटके जरा बचके' एक फॅमिली ड्रामा आहे. ज्याचं दिग्दर्शन लक्ष्मण उतेकर यांनी केलं आहे. दिनेश विजान यांनी सिनेमाची निर्मिती केली आहे. सिनेमात कॉमेडी आहे.ड्रामा आहे आणि इमोशन्स आहेत जे लोकांना आवडत आहे.
रिलीजनंतर तीन दिवसांत सिनेमानं २२.५९ करोड रुपयांचा बिझनेस केला आहे. सिनेमात राकेश बेदी,इनामुलहक,सुष्मिता मुखर्जी आणि आकाश खुरानी सारखे कलाकार देखील आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
