Shah Rukh Khan : 'तू नशेत होता, त्यावेळी तुला...' अमिताभ यांनी शाहरुखला दिला मोलाचा सल्ला!

Shah Rukh Khan Bollywood Actor share Amitabh Bachchan : बॉलीवूडचे शहेनशहा अमिताभ बच्चन आणि बॉलीवूडचा किंग खान शाहरुख खान यांच्यात नेहमीच वेगवेगळ्या कारणामुळे चर्चा होत असते.

भलेही दोघांनी काही चित्रपटांमध्ये एकत्र काम केले असेल मात्र चाहते आणि नेटकरी या दोघांमध्ये बऱ्याचदा तुलना करताना दिसतात. आता अमिताभ यांनी शाहरुखला जो सल्ला दिला होता त्याची सोशल मीडियावर चर्चा होताना दिसते आहे.

शाहरुखच्या पठाणनं हजार कोटींची कमाई करुन मोठा विक्रम रचला होता. त्याचा तो चित्रपट प्रदर्शित होण्यापूर्वी मोठा वाद झाला होता. आमिर प्रमाणे शाहरुखच्या चित्रपटाला देखील अपयशाचा सामना करावा लागेल अशी भीती होती.

मात्र पठाणनं ती भीती फोल ठरवत मोठी कमाई केली आहे. येत्या काळात त्याचा जवान आणि डंकी नावाचा चित्रपट प्रेक्षकांच्या भेटीला येणार आहे. अशातच शाहरुखची एक मुलाखत व्हायरल झाली आहे.

Also Read - अदानी..हिंडेनबर्ग आणि भविष्य....

शाहरुखनं त्या व्हिडिओमध्ये म्हटले आहे की, अमिताभ बच्चन यांनी सांगितलेली ती गोष्ट आपण विसरलेलो नाही असे सांगितले आहे. सोशल मीडियावर शाहरुखच्या त्या जुन्या मुलाखतीचा काही भाग व्हायरल झाला आहे.

त्यामध्ये शाहरुख अमिताभ यांच्या नावाचा उल्लेख करत म्हणतो की, अमितजी हे मितभाषी म्हणून आपल्याला माहिती आहे. मात्र एकदा आम्ही भेटलो होतो तेव्हा त्यांनी एक सल्ला मला दिला होता.

ते मला म्हणाले, तू आता मोठा स्टार झाला आहेस. तेव्हा तू काहीही कर पण जेव्हा तुला असे वाटेल की, तुझ्या हातून मोठी चूक झाली आहे तेव्हा ती कबूल कर.

मी तरुण होतो तेव्हा मोठ्या धाडसानं अमिताभ यांना म्हणालो, पण अमितजी मी जर चुकलोच नसेल तर... त्यावेळी ते म्हणाले, मी तेच तर म्हणतो आहे आपण नेहमी नम्र असले पाहिजे.

आदरानं बोलायला शिकले पाहिजे. तुला कुणी मारले आणि तू त्याला मारले यानं काय होईल...तू तेव्हा नशेत होता हे तुलाही माहिती नव्हते.

शाहरुख म्हणतो पण मी नशेत नव्हतो. त्यावेळी अमिताभ म्हणाले, तू नव्हता हे तू नाही तुझ्याकडील पैसा बोलतो आहे. अशा शब्दांत अमिताभ यांनी माझी कानउघाडणी केली होती. त्यांनी सल्ला नेहमीच लक्षात ठेवला आहे.