Vikram Kochhar Open Up ON SRK Mannat: किंग खान शाहरुखच्या मन्नतविषयी आजवर अनेकांनी खूप साऱ्या गोष्टी सांगितल्या आहेत. एखाद्या महालापेक्षा सुंदर असणारं त्याचं ते घर सोशल मीडियावर त्याच्या चाहत्यांच्या चर्चेचा विषय राहिलं आहे. मन्नतच्या सुरक्षेव्यवस्थेविषयी देखील अनेकदा बोललं गेलं आहे.
किंग खानच्या जन्मदिनी तो त्याच्या घराबाहेर येऊन चाहत्यांच्या अभिनंदनाचा स्विकार करुन त्यांना धन्यवाद देतो. हे दृष्य पाहण्यासारखे असते. दरदिवशी शाहरुखच्या मन्नत बाहेर चाहत्यांची मोठी गर्दी झाल्याचे फोटो आणि व्हिडिओ देखील नेटकऱ्यांचे लक्ष वेधून घेताना दिसतात. आता डंकीमधील शाहरुखचा सहकलाकार विक्रम कोचरनं शाहरुखच्या मन्नत विषयी सांगितलेली ती गोष्ट खूप काही सांगून जाणारी आहे.
विक्रम कोचर सध्या डंकीमुळे चर्चेत आला आहे. याशिवाय त्याच्या कित्येक टीव्ही शो ला देखील चाहत्यांचा मोठा प्रतिसाद मिळाल्याचे दिसून आले आहे. त्यानं त्या मुलाखतीमध्ये सांगितले होते की, मी जेव्हा डंकीचे शुट करत होतो तेव्हा एकदा शाहरुखनं मला त्याच्या घरी डिनरसाठी आमंत्रित केले होते. आम्ही त्यावेळी खूपच भारावून गेलो होतो. त्याचं घर, त्या घराची सजावट ही खूपच सुंदर आहे.
होम बॉलीवूडला दिलेल्या एका मुलाखतीमध्ये विक्रम कोचरनं किंग खानच्या मन्नतविषयी माहिती दिली आहे. जेव्हा मी पाहूणा म्हणून मी शाहरुखच्या घरी गेलो तेव्हा माझे जोरदार स्वागत झाले. शाहरुखनं मोठ्या प्रेमाने सगळ्यांचे स्वागत केले. ते आम्हाला खूपच भावले. शाहरुखच्या प्रेमळ आग्रहाविषयी आजवर ऐकून होतो पण ते प्रत्यक्षात दिसूनही आले.
आम्ही शाहरुखच्या अबरामलाही भेटलो. तो त्यावेळी एक केक बनवण्याच्या गडबडीत होता. त्यानं तयार केलेला केक आम्हाला खायलाही दिला. हे सारं खूपच प्रभावित करणारं होतं. बॉलीवूडमधल्या एवढ्या मोठ्या अभिनेत्याच्या घरी आमचा असा पाहुणचार होईल याची कल्पनाही नव्हती. शाहरुखच्या घरातील सिक्योरिटी देखील जबदरस्त आहे. खूप सारे सीसीटिव्ही कॅमेरे तिथे लावलेले आहेत. त्यातून तुम्ही सुटू शकत नाही.
घरात आहे रोबोट...
विक्रमनं जेव्हा शाहरुखच्या मन्नतमध्ये प्रवेश केला तेव्हा तो चक्रावूनच गेला. त्यानं असं घर यापूर्वी कधीही पाहिलं नव्हतं. तुम्ही कल्पनाच करु शकत नाही एवढं सुंदर शाहरुखचे घर आहे. सगळ्या सोयीसुविधांनी युक्त असे ते घर आहे. तुम्हाला एक गोष्ट सांगितली तर आश्चर्य वाटेल ते म्हणजे शाहरुखच्या घरात खरे रोबोट देखील आहे. शाहरुखला रोबोटची आवड आहे. तो टेक्नोसॅव्ही आहे. आणि त्याविषयी नेहमीच अनेकांना सांगताना दिसतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.