Shah Rukh Khan ASK SRK: शाहरुख खानच्या पठाण चित्रपटानं तर बॉक्स ऑफिसवर तुफान राडा केला आहे. हा चित्रपटाने सर्वांनाच वेड केलं आहे. फक्त भारतातच नाही तर संपुर्ण जगात याची क्रेझ पाहायला मिळतं आहे. दरम्यान या बद्दल शाहरुखनं त्याच्या चाहत्यांचेही आभार मानले. तर गेल्या काही काळापासून शाहरुख खान ट्विटरवर सतत एसआरके सेशन करत आहे आणि चाहत्यांशी संपर्क साधत आहे, त्यांच्या प्रश्नांची उत्तरे देत आहे.
आजही शाहरुखने पुन्हा एकदा ट्विटरवर #AskSRK हे सत्र केले, जिथे त्याने चाहत्यांशी संवाद साधला आणि विचारलेल्या अनेक प्रश्नांची उत्तरे दिली.
दरम्यान, एका चाहत्यानं शाहरुख खानला मस्करीत प्रश्न विचारत लिहिले की, "तू अशी हिरोचीच भूमिका साकारणार आहेस की चित्रपटात हिरो हिरोईन यांचा वडील बनण्याचा विचार आहे का?"
चाहत्याच्या या प्रश्नाला शाहरुख खानने उत्तरही तसेच हटके दिले. या प्रश्नाला उत्तर देताना शाहरुख खानने लिहिले की, "तु वडील हो... मी फक्त हिरो आहे."
शाहरुख हा त्याच्या विनोदी शैलीसाठी ओळखला जातो. त्यामुळं त्याच्या या उत्तरावरही नेटकरी हसलेच आहेत.
तर दुसऱ्या एका युजरने शाहरुख खानला सलमान खानच्या आगामी 'किसी का भाई किसी की जान' या चित्रपटाबद्दल विचारले. युजरने शाहरुखला या चित्रपटाच्या बॉक्स ऑफिस कलेक्शनचा अंदाज विचारला. यावर किंग खानने लिहिले की, “भाई की पिक्चर है… देखना तो लजमी है.”
25 जानेवारीला 'पठाण' चित्रपट थिएटरमध्ये प्रदर्शित झाला आहे, ज्यामध्ये दीपिका पदुकोण आणि जॉन अब्राहम त्याच्यासोबत दिसले आहेत. तर सलमान खानने कॅमिओ रोल केला आहे. या चित्रपटाने पहिल्या दिवसापासूनच जबरदस्त कमाई केली आहे. आत्तापर्यंत या चित्रपटाने जगभरातून 725 कोटींचा गल्ला जमवला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
