Shah Rukh Khan Pathaan: आणि शाहरुख पर्व सुरू.. पठाण च्या पहिल्याच शो ला तुफान गर्दी

पठाणबद्दल सध्या बरीच चर्चा आहे. अ‍ॅडव्हान्स बुकिंग करूनही या सिनेमाला उदंड प्रतिसाद मिळत आहे. रिलीजपूर्वीच पठाणने अ‍ॅडव्हान्स बुकिंगमधून 50 कोटी कमावले आहेत, त्यापैकी पहिल्या दिवशी 23 कोटी, दुसऱ्या दिवशी 13.3 कोटी आणि तिसऱ्या दिवशी 13.9 कोटी कमावले आहेत. पठाण चा ठिकठिकाणी आज पहिला शो सुरु झालाय.. हाऊसफुल गर्दीत शाहरुखच्या पठाण ला प्रेक्षकांनी गर्दी केलीय

शाहरुख खान स्टारर 'पठाण' बॉक्स ऑफिसवर 45 ते 50 कोटी रुपयांची कमाई करू शकते आणि हा आकडा 60 कोटींपर्यंत पोहोचू शकतो असा विश्वास उद्योग तज्ञांना आहे. 2018 च्या "झिरो" नंतर शाहरुख खानचे मोठ्या पडद्यावर पुनरागमन आहे. अशा परिस्थितीत या चित्रपटाच्या प्रदर्शनाची चाहत्यांना प्रचंड उत्सुकता आहे. 

पठाण बॉयकॉट करण्यासाठी सोशल मीडियावर चळवळ सुरू होती. काही तथाकथित हिंदुत्ववादी संघटनांनी याबाबत चळवळ चालविली होती. त्यामुळे राजकीय पक्ष, संघटना, नेते यांच्यात त्यावर गरमागरम चर्चा होती. सिनेमाबाबत अनेक तक्रारी आल्याने सेन्सॉर बोर्डाने देखील पठाण मध्ये काही बदल सुचवले होते. त्यामुळे हा सिनेमा चालेल का? याविषयी अनेकांना साशंकता होती. पण सर्व विरोध मावळून पठाण पाहण्यासाठी आज सकाळपासून प्रेक्षकांनी थेटरबाहेर रांगा लावल्या आहेत

शाहरुखच्या फॅन्सनी आधीच तिकीट बुक करून लाडक्या किंग खानबद्दल प्रेम दर्शवलं आहे. शाहरुख खान फॅन्ससोबत सोशल मिडीयावर प्रचंड अॅक्टिव्ह आहे. तो सध्या त्याच्या फॅन्सशी संवाद साधण्यासाठी ट्विटरवर #AsKSRK सेशन चालवत आहे. याच अंतर्गत शाहरुख त्याच्या फॅन्सनी विचारलेल्या प्रश्नांना दिलखुलास उत्तर देत आहे.

पठाण सिनेमात शाहरुख खान, दीपिका पदुकोण आणि जॉन अब्राहम मुख्य भूमिकेत असणार आहेत. याशिवाय डिंपल कपाडिया, आशुतोष राणा आणि गौतम रोडे देखील आहेत. पठाण मध्ये सलमान खान एका छोट्या भूमिकेत दिसणार आहे. सिनेमा २५ जानेवारीला रिलीजसाठी सज्ज आहे.