बॉलिवूड अभिनेता शाहरुख खान हा अनेकांचा आवडता अभिनेता. शाहरुख खानने आजवर विविध सिनेमांमधून प्रेक्षकांचं मनोरंजन केलंय. शाहरुख खान अनेक सेलिब्रिटींच्या घरी हजेरी लावत असतो.
अशातच शाहरुख काल रात्री अंबानींच्या घरी बर्थडे पार्टीला गेला होता. त्यावेळी शाहरुख सापांशी खेळताना दिसला. हा व्हिडीओ सध्या सोशल मीडियावर चांगलाच व्हायरल झालाय.
(Shah Rukh Khan playing with snakes at Isha Ambani’s twins’ birthday party)
मुकेश अंबानी आणि नीता अंबानी यांची मुलगी, ईशा अंबानी यांच्या जुळ्या मुलांचा पहिला वाढदिवस साजरा झाला. त्यानिमित्त शानदार बर्थडे पार्टीचं आयोजन करण्यात आलं होतं.
या पार्टीमधील एक व्हिडीओ सोशल मीडियावर व्हायरल झालाय. या व्हिडीओत शाहरुख अनंत अंबानी आणि राधिका मर्चंटसोबत उभा आहे. आणि अशातच अनंत त्याच्या हातात साप देतो.
या व्हिडीओ पुढे दिसतं की, अनंत शाहरुखकडे साप देतो. राधिका शाहरुखला सापाला कसं हाताळायचं याचं मार्गदर्शन करते. हे सर्व घडत असताना मागुन एक दुसरी व्यक्ती नाजूकपणे SRK च्या गळ्यात दुसरा साप बांधते. शाहरुख आनंदात सापांना सांभाळताना दिसतो. त्याच्या चेहऱ्यावर भिती न दिसता आनंद ओसंडून वाहताना दिसतो.
शाहरुखच्या वर्कफ्रंटबद्दल बोलायचं झालं तर.. शाहरुख आपल्याला नुकताच जवान सिनेमात दिसला. जवानने बॉक्स ऑफीसवर १००० कोटींपेक्षा जास्त कमाई केली. याशिवाय शाहरुखने २०२३ ची सुरुवात पठाण सिनेमाने केली होती. पठाणने सुद्धा बॉक्स ऑफीसवर चांगली कामगिरी केली. आता या वर्षाच्या अखेरीस शाहरुख राजकुमार हिरानींच्या डंकी सिनेमात झळकणार आहे. २२ डिसेंबरला डंकी सिनेमा भेटीला येतोय.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
