SRK Birthday Celebration News: आज शाहरुख खानचा वाढदिवस. जगभरातले तमाम फॅन्स लाडक्या किंग खानला शुभेच्छा देण्यासाठी सज्ज आहेत. शाहरुख खान सुद्धा त्याच्या फॅन्सच्या प्रेमाचा स्वीकार करत आहे.
शाहरुख खानच्या वाढदिवसाच्या सेलिब्रेशनला सुरुवात झाली आहे. रात्री १२ वाजता शाहरुखच्या घराबाहेर म्हणजेच मन्नतबाहेर शाहरुखने खास अंदाजात फॅन्सना भेटून वाढदिवसाचं सेलिब्रेशन केलंय.
(shah rukh khan srk birthday celebration outside mannat bandra)
शाहरुखच्या वाढदिवसाला दिवाळीचा माहोल
शाहरुख खानच्या वाढदिवसाला काल संध्याकाळपासुनच त्याचं घर मन्नतबाहेर गर्दी जमली होती. शाहरुखचे फॅन्स देशाच्या विविध भागातुन मन्नतबाहेर गर्दी करत होते.
अनेकांच्या हातात केक्स होते. आणि मग १२ चा टोला पडला. सर्वांच्या लाडक्या शाहरुख खानच्या वाढदिवसाची सुरुवात फटाके फोडून करण्यात आली. आकाशात फटाक्यांची आतषबाजी सजली. जणु काही दिवाळीचा माहोल तयार झाला होता.
आणि तो आला...!
१२ वाजुन गेले होते. सर्वांना उत्सुकता होती ती म्हणजे त्यांचा लाडका किंग खान कधी येणार. आणि तो आला. मन्नतच्या गॅलरीबाहेर शाहरुख आला आणि फॅन्सने एकच जल्लोष केला.
शाहरुखने ब्लॅक टीशर्ट, डोक्यावर टोपी, डोळ्यावर चष्मा अशा खास अंदाजात मन्नतबाहेर आला होता. त्याने नेहमीप्रमाणे सर्वांना अभिवादन केलं. शाहरुखला पाहताच मन्नतबाहेर एकच जल्लोष झाला. शाहरुखने सर्वांच्या प्रेमाचा स्वीकार केला.
शाहरुखच्या वाढदिवसाला डंकीची भेट
शाहरुख खानच्या 'डिंकी' चित्रपटाचा टिझर आज त्याच्या वाढदिवशी रिलीज होण्यासाठी सज्ज झाला आहे.
रिपोर्ट्सनुसार, 'डंकी'चा टिझर शाहरुख खानच्या वाढदिवसाला म्हणजेच 2 नोव्हेंबरला रिलीज होणार आहे. शाहरुख काही निवडक चाहत्यांसह चित्रपटाचा टीझर लाईव्ह पाहणार असल्याची दाट शक्यता आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
