Dunki Movie Shah Rukh Khan X Post : राजकुमार हिरानी यांच्या डंकी या चित्रपटातील पहिलं गाणं लुट पुट गया हे प्रदर्शित झालं आहे. ते प्रदर्शित होताच अवघ्या काही तासांत ४० मिलियनपेक्षा अधिक व्ह्युज मिळवले आहेत. या सगळ्यात किंग खान शाहरुखनं जे ट्विट केले आहे त्याची चर्चा होताना दिसत आहे.
किंग खानसाठी यंदाचे वर्ष लाभदायी ठरले आहे. त्याच्या पठाणला प्रेक्षकांचा तुफान प्रतिसाद मिळाला होता. त्यानं तब्बल हजार कोटींची कमाई केली होती. त्यानंतर आलेल्या जवाननं देखील आठशे कोटींपेक्षा जास्त कमाई केली. या सगळ्यात डिसेंबरमध्ये येणाऱ्या डंकीची मोठी चर्चा आहे. त्याविषयी शाहरुखच्या चाहत्यांना कमालीची उत्सुकता आहे.
Mahua Moitra : महुआ मोइत्रा यांच्यावरील कारवाई आणि वादांची मालिका
शाहरुख हा सोशल मीडियावर अधिक सक्रिय असणारा सेलिब्रेटी आहे. त्याला ट्विटरवर फॉलो करणाऱ्यांची संख्या लाखोंच्या घरात आहे. इंस्टावरही त्याचा चाहतावर्ग मोठा आहे. अशावेळी किंग खाननं एखादी पोस्ट करताच त्यावर येणाऱ्या प्रतिक्रियांची संख्या मोठी असल्याचे दिसून आले आहे. सध्या त्यानं केलेलं ट्विट डंकीच्या संदर्भात आहे.
डंकीविषयी शाहरुखनं म्हटलं आहे की, भावांनो मला तर असे म्हणायचे आहे की, हा चित्रपट हाऊसफुल्ल होऊन जाणार. त्यामुळे मला असे सांगायचे आहे की, तुम्ही येताना सोफा घेऊन या, कारण तुम्हाला थिएटरमध्ये बसायला जागा काही मिळणार नाही. अशा शब्दांत शाहरुखनं केलेल्या ट्विटवरुन त्याला नेटकऱ्यांनी वेगवेगळ्या प्रतिक्रिया दिल्या आहेत.
शाहरुखला त्याच्या आगामी चित्रपटाविषयी फारच आत्मविश्वास आहे. गेल्या त्याच्या दोन्ही चित्रपटांना प्रेक्षकांचा तुफान प्रतिसाद मिळाल्यानं डंकीबाबतही प्रेक्षकांचा उत्साह अधिक आहे. लाडक्या किंग खानचा हा प्रोजेक्टही तुफान यशस्वी होईल. यात शंका नाही अशा प्रतिक्रिया शाहरुखच्या चाहत्यांनी दिल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
