'मैं कभी हारती नहीं' म्हणत विद्या बालनची 'शकुंतला देवी' करतेय प्रेक्षकांवर जादू.. पाहा ट्रेलर

मुंबई- अभिनेत्री विद्या बालनच्या आगामी 'शकुंतला देवी' सिनेमाची प्रेक्षकांमध्ये उत्सुकता आहे. प्रसिद्ध गणितज्ञ आणि जगभरात 'ह्युमन कॉम्प्युटर' अशी ओळख असलेल्या शकुंतला देवी यांच्यावर हा सिनेमा आधारित आहे. विद्या बालनने सकाळपासूनंच सोशल मिडियावर चाहत्यांना वेगवेगळी गणिताची कोडी देत चक्रावून टाकलं होतं. अखेर तिच्या भूमिकेची झलक आता प्रेक्षकांसमोर आली आहे. विद्याचा बहुचर्चित 'शकुंतला देवी' या सिनेमाचा ट्रेलर काही वेळापूर्वीच रिलीज झाला आहे.

हे ही वाचा: 'माझ्या गरोदरपणात नवाज त्याच्या गर्लफ्रेंडशी गप्पा मारण्यात व्यस्त असायचा'- नवाजुद्दीन सिद्दीकीवर पत्नीचा आरोप

प्रसिद्ध गणितज्ञ शकुंतला देवी यांच्यावर आधारित असलेल्या सिनेमात विद्या बालन मुख्य भूमिकेत असून सन्या मल्होत्रा तिच्या मुलीच्या भूमिकेत आहे. विद्याचा अनोखा अंदाज या सिनेमात पाहायला मिळतोय. आधीच्या सिनेमांपेक्षा विद्याची ही वेगळी भूमिका आहे. तसंच ट्रेलरमध्ये तिचं पात्र पाहिल्यावर तिचे चाहते तिच्या अभिनयाच्या प्रेमात पडले आहेत.

या सिनेमाची कहाणी देखील प्रेक्षकांची उत्सुकता वाढवणारी आहे. ज्या व्यक्तीला या संपूर्ण जगाने सन्मान दिला, प्रेम दिलं ती तिच्या स्वतःच्याच मुलीच्या नजरेत का पडते? तिचं तिच्या पतीसोबत केवळ मुल जन्माला घालेपर्यंतंचच नातं असतं का? मग नेमकी तिला अशी कोणाची साथ मिळते ज्यामुळे ती केवळ भारताचं नाव अख्ख्या जगात उज्वल करत नाही तर कॉम्प्युटरला देखील हरवत गिनीज बुक ऑफ वर्ल्डमध्ये स्वतःच्या नावाचा ठसा उमटवते?

या सिनेमात सन्या मल्होत्रासोबत जिशू सेनगुप्ता पडद्यावर झळकणार आहे. हे एक सरप्राईज पॅकेज असू शकतं तसंच अमित साधसुद्धा यात कमाल करेल असंचं दिसतंय. म्हणूनंच शकुंतला देवी यांच्या वैयक्तिक आयुष्यातील चांगल्या वाईट दोन्ही गोष्टी पडद्यावर आणणं इतकंच नाही तर आई म्हणून परिपूर्ण नसणं यासाठी दिग्दर्शक अनु मेनन यांच्या प्रामाणिकपणाला दाद दिली पाहिजे. विद्या बालनचे चित्रविचित्र हाव भाव तिचा खोडसाळपणा पाहून हा सिनेमा पाहताना प्रेक्षकांना मजा येईल असंच दिसतंय.

'मैं कभी हारती नही ऑलवेज रिमेंमबर दॅट' असं म्हणणा-या शकुंतला देवी इथे त्यांचा ओव्हर कॉन्फिडन्स दर्शवतात जसं त्यांनी त्यांच्या आयुष्यात इंदिरा गांधी यांच्या विरोधात लोकसभा निवडणुक लढवून मोठी चूक केली होती.   

shakuntala devi official trailer release vidya balan sanya malhotra