केसांत गजरा माळून दिसली शेहनाझ, 'कभी ईद,कभी दिवाली' च्या सेटवरुन Video Leak

आपल्या क्यूट अंदाजानं 'बिग बॉस'(Big Boss) मधून अनेक चाहत्यांना घायाळ करणारी पंजाबी सिनेमाची अभिनेत्री शहनाझ गिल(Shehnaaz Gill) बॉलीवूडमध्ये(Bollywood) पदार्पण करतेय अशी बातमी कानावर पडलीच होती. त्यातही सलमान खानच्या(Salman Khan) सिनेमात ती दिसणार असल्यामुळे त्याची अधिक चर्चा रंगली. अर्थात याविषयी ना सलमानकडून ग्रीन सिग्नल मिळाला होता ना शहनाझनं चुप्पी तोडली होती. पण मागे मुंबई एअरपोर्टवर तिनं आपल्या स्माईलमधून याविषयी नकळत ईशारा दिला होता. पण जोपर्यंत कोणी बोलत नाही तोवर खरं कसं मानायचं. पण आता मात्र शहनाझ सलमानच्या 'कभी ईद-कभी दिवाली' सिनेमातनं बॉलीवूडमध्ये पदार्पण करतेय याचा जिवंत दाखलाच मिळाला आहे ना राव. आम्ही तुम्हाला दाखवतो थेट सेटवरुन लीक झालेला तो व्हिडीओ. चला याविषयी थोडं सविस्तर जाणून घेऊया.

सलमान खानच्या 'कभी ईद-कभी दिवाली' (Kabhi Eid,Kabhi Diwali) सिनेमात शहनाझ काम करतेय हे कळल्यावर तिच्या चाहत्यांना उत्सुकता होती ते तिच्या लूकची. अर्थात बातमी कन्फर्म होण्याआधीच ही उत्सुकता होती बरं का. आता नुसती बातमी कन्फर्म नाही झाली तर 'कभी ईद कभी दिवाली'च्या सिनेमाच्या सेटवरुन शहनाझचा लूक समोर आणणारा एक व्हिडीओच लीक झाला आहे. आता हा व्हिडीओ सोशल मीडियावर वेगवेगळ्या प्लॅटफॉर्मवर शेअर केला जात आहे.

व्हिडीओमध्ये शहनाझ गिल वॅनिटी व्हॅनमधून बाहेर येताना दिसत आहे. शहनाझनं साडी नेसली आहे. तिनं केसात गजरा माळलेला आहे. तिचा हा लूक पाहून तिचे चाहते मात्र भलतेच खूश झाले आहेत. सूत्रांच्या माहितीनुसार शहनाझ 'कभी ईद,कभी दिवाली' सिनेमात आयुष शर्मासोबत दिसणार आहे.

'कभी ईद,कभी दिवाली' सिनेमातील सलमान खानचा लूक देखील समोर आला आहे. मोठे वाढवलेले केस आणि अॅक्शन अंदाजातील त्या लूकमध्ये ज्यानं सलमानला पाहिलं तो फक्त पाहतच राहिला. आता सिनेमाच्या सेटवरुन आधी सलमान आणि त्यानंतर आता शहनाझ गिलचा समोर आलेला लूक पाहून चाहते आता सिल्व्हर स्क्रीनवर दोघांना पाहण्यासाठी उत्सुक आहेत. शहनाझ व्यतिरिक्त सलमान खानच्या या सिनेमात पूजा हेगडे मुख्य भूमिकेत आहे.