शिल्पा शेट्टीने चाहत्यांना दिलं नवीन वर्षाचं गिफ्ट, मुलगी समीशाची दाखवली झलक

मुंबई- बॉलीवूडची फिटनेस फ्रिक अभिनेत्री शिल्पा शेट्टी तिच्या कुटुंबासोबत सुट्टी एन्जॉय करण्यासाठी गोव्यामध्ये आहे. शिल्पा तिच्या या सुट्टीचे फोटो आणि व्हिडिओ शेअर करत असते. नुकतंच शिल्पाने तिच्या चाहत्यांना नवीन  वर्षाचं गिफ्ट दिलं आहे. हे गिफ्ट म्हणजे शिल्पाची मुलगी समीशाची पहिली झलक आहे. शिल्पाने तिच्या चाहत्यांसोबत पहिल्यांदा मुलगी समीशाचा चेहरा दाखवला आहे. 

हे ही वाचा: करण जोहरने शेअर केलं 'मुंबईकर'चं फर्स्ट पोस्टर, 'हे' सेलिब्रिटी दिसणार एकत्र   

शिल्पा शेट्टी सोशल मिडियावर चांगलीच ऍक्टीव्ह असते. शिल्पा नेहमीच तिच्या कुटुंबातील खास क्षण चाहत्यांसोबत सोशल मिडियावर शेअर करत असते. शिल्पाने नुकताच एक व्हिडिओ शेअर केला आहे ज्यामध्ये तिचा पती राज कुंद्रा आणि मुलगी समीशा दोघेही दिसून येत आहेत. शिल्पा शेट्टीने तिच्या अधिकृत इंस्टाग्राम अकाऊंटवरुन एक खूपंच क्युट व्हिडिओ शेअर केला आहे. या व्हिडिओमध्ये शिल्पा शेट्टीचा पती राज कुंद्रा गाणं गाताना दिसतोय. तर समीशा त्याच्यावर रागावताना दिसतेय, हे पाहुन राज त्याचं गाणं चालूच ठेवतो तर समीशा त्याच्यावर आणखी रागावताना दिसतेय. बाप-लेकीची ही नौकझौक पाहायला प्रेक्षकांना आवडतेय. 

शिल्पाने हा व्हिडिओ शेअर करत लिहिलंय, 'काळजी कमी करा आणि जास्त गाणं गा. समिशा शेट्टी कुंद्राने तिचे वडिल राज कुंद्रा यांना सांगितलं की त्यांनी त्यांचं गाणं बंद केलं पाहिजे. तुम्हा सगळ्यांना नवीन वर्षाच्या शुभेच्छा.' शिल्पा शेट्टीचा हा व्हिडिओ सगळ्यांना खूप पसंत पडत आहे. चाहत्यांमध्ये ज्यांना समीशाची एक झलक पाहण्याची इच्छा होती त्यांच्यामध्ये हा व्हिडिओ व्हायरल होत आहे. तर शिल्पा शेट्टीची मुलगी समीशाचा हा क्युटनेस सगळ्यांना प्रेमात पाडतोय. शिल्पाच्या सिनेमांबाबत सांगायचं झालं तर ती लवकरच 'निकम्मा' या सिनेमात दिसून येणार आहे. या सिनेमात तिच्यासोबत भाग्यश्रीचा मुलगा अभिमन्यु दस्सानी आणि शर्ली सेठिया मुख्य भूमिकेत आहेत. याव्यतिरिक्त शिल्पा 'हंगामा २'  सिनेमात परेश रावल आणि मीजान जाफरी यांच्यासोबत दिसून येणार आहे.   

shilpa shetty share her daughters cute video with husband raj kundra