घरच्या मोलकरणीचा विनयभंग केल्याचा होता आरोप,शायनी आहूजा बिग बॉस 16 मध्ये?

बिग बॉस च्या मेकर्सनी 16 व्या सिझनची तयारी करण्यासाठी सुरुवात केली आहे. काही दिवसांपूर्वी बातमी होती की शो च्या निर्मात्यांनी शो मध्ये काही वादग्रस्त सेलिब्रिटींना घेण्याचं ठरवलं आहे. रोहित शेट्टीचा 'खतरों के खिलाडी' हा शो संपल्यानंतर कलर्स वाहिनी लगेच 'बिग बॉस'चा नवा सिझन लॉंच करणार आहे. पुढील आठवड्यातच 'खतरों के खिलाडी 12' सुरु होत आहे,त्यामुळे आता बिग बॉसच्या चाहत्यांना शो च्या 16 व्या सिझनची तारीख जाणून घेण्याचे वेध लागले आहेत. आणि सोबतच त्यांना जाणून घ्यायचंय की या सिझनमध्ये नेमकं कोण-कोण असणार आहे. बोललं जात आहे की 16 व्या सिझनमध्ये शायनी आहूजाला (Shiney Ahuja)आणण्यासाठी खास सलमान खान(salman Khan) निमंत्रण देणार आहे.(Shiney Ahuja approached for salman khan led reality show?)

'बिग बॉस 16' ला सुपरहिट बनवण्यासाठी मेकर्स वादग्रस्त सेलिब्रिटींची यादी तयार करण्यात बिझी आहेत. शायनी आहूजाला देखील 'बिग बॉस 16' ची ऑफर गेल्याचं बोललं जात आहे. मीडियाला मिळालेल्या वृत्तानुसार शायनी आहूजानं 'बिग बॉस 16' मध्ये यावं यासाठी तो मागेल ती किंमत द्यायला निर्माते तयार आहेत. पण अद्याप शायनी सोबत बोलणी सुरू आहेत आणि काहीही अंतिम निर्णया पर्यंत पोहोचलेलं नाही. शायनी आहूजानं शो मध्ये येण्यासाठी होकार दिला तर शो च्या निर्मात्यांना आभाळ ठेंगणं वाटेल एवढं निश्चित.

साल २००९ मध्ये शायनी आहूजावर त्याच्या घरात काम करणाऱ्या मोलकरणीवर बलात्कार केल्याचा आरोप लावण्यात आला होता. त्याचसोबत अभिनेत्यावर इतरही गंभीर आरोप लावले गेले होते. दोन वर्षानंतर या प्रकरणात शायनी आहूजाला ७ वर्षांची शिक्षा सुनावण्यात आली. त्यानंतर शायनीनं हाय कोर्टात धाव घेतली. व अखेर त्याची जामिनावर सुटका झाली. अभिनेत्यानं सांगितलं होतं की,'हा बलात्कार म्हणता येणार नाही,कारण जे काही झालं ते त्या दोघांच्या संमतीनं झालं होतं'. यानंतर शायनी आहूजाची मोलकरीण देखील आपल्या म्हणण्यावरनं पलटली होती. काहीही असलं तरी यामुळे शायनी आहूजाचं करिअर मात्र बर्बाद झालं. आता पहायचं की शायनी 'बिग बॉस' च्या माध्यमातून पुन्हा मनोरंजन सृष्टीत परत येतोय का नाही?