Shivani Surve Wedding Post : 'शिवानी' अन् 'अजिंक्य'चं लग्न म्हटल्यावर चर्चा तर होणारच, इंस्टावरील नव्या पोस्टनं वेधलं लक्ष!

Shivani Surve after wedding post : मराठमोळी अभिनेत्री शिवानी आणि अजिंक्य ननावरेचं लग्न मोठ्या उत्साहात पार पडलं अन् सोशल मीडियावर विविध प्रतिक्रियांना उधाण आल्याचे दिसून आले. दोन्ही प्रसिद्ध सेलिब्रेटींच्या लग्नाच्या फोटोंना चाहत्यांचा मिळालेला प्रतिसादही मोठा आहे. या सगळ्यात आता शिवानीच्या पोस्टनं चाहत्यांचे लक्ष वेधून घेतले आहे.

बऱ्याच दिवसांपासून मराठी मनोरंजन विश्वातील प्रसिद्ध अभिनेत्री शिवानी सुर्वे आणि अभिनेता अजिंक्य ननावरे यांच्या शुभमंगल सावधानची चर्चा होती. काल मोठ्या धुमधडाक्यात हा लग्नसोहळा पार पडला. त्याला मराठी चित्रपट विश्वातील अनेक सेलिब्रेटी उपस्थित होते. सोशल मीडियावर त्या सोहळ्याचे फोटो व्हायरल झाले आहे. त्यात शिवानीच्या इंस्टावरील पोस्टनं चाहत्यांनी तिच्यावर कौतुकाचा वर्षाव केला आहे.

शिवानीनं अजिंक्यसोबतचा फोटो शेयर करुन त्यावर 'The stars finally aligned' अशी कॅप्शन लिहिली आहे. त्यानंतर चाहत्यांनी, नेटकऱ्यांनी शिवानीला तिच्या भावी वैवाहिक आयुष्यासाठी शुभेच्छा दिल्या आहेत. तिचं कौतुक केलं आहे. मराठी मनोरंजन विश्वात आपल्या हटके स्टाईल आणि अभिनयामुळे शिवानी नेहमीच चर्चेत राहिली आहे. यापूर्वी तिच्या साखरपुड्याच्या फोटोंना चाहत्यांचा मोठा प्रतिसाद मिळाला होता.

शिवानीच्या साखरपुड्याची सोशल मीडियावर जोरदार चर्चा होती. शिवानीचा (Shivani Latest Marathi News) चाहतावर्ग मोठा आहे. तिला इंस्टावर फॉलो करणाऱ्यांची संख्याही मोठी आहे. अशावेळी आपल्या आवडत्या सेलिब्रेटीचं लग्न होत आहे याची चाहत्यांना मोठी उत्सुकता होती. यापूर्वी शिवानीच्या व्हायरल झालेल्या फोटोंना आणि व्हिडिओला (Shivani Wedding News) चाहत्यांची मोठी पसंती मिळाली होती.

गेल्या काही दिवसांपासून त्यांच्या लग्नाबाबत वेगवेगळ्या चर्चा सुरु होत्या. शिवानी आणि अजिंक्य विषयी बोलायचे झाल्यास 'तू जीवाला गुंतवावे' या मालिकेच्या सेटवर त्यांची ओळख झाली होती. त्यांच्या मैत्रीचं रुपांतर पुढे प्रेमात झालं. काही वर्षे एकमेकांना डेट केल्यानंतर त्यांनी लग्नाचा निर्णय घेतला.