श्रद्धा कपूरने दोनच शब्दात केले गार...

ENTERTAINMENT NEWS : बॉलिवूड मधील लोकप्रिय अभिनेत्रींपैकी एक मनाली जाणारी श्रद्धा कपूर (shraddha kapoor) चाहत्यांसाठी कायमच खास राहिली आहे. समाज माध्यमांवर अनेकदा तिचे कौतुक होताना दिसते. तसेच वेगवेगळ्या सोशल मीडिया साईट्स वर ती कायम आपल्या जीवनातील घडामोडी शेअर करत असते. अशातच श्रद्धा कपूरची डोकेदुखी वाढवणाऱ्या बातम्या कानी येऊ लागल्याने ती उपरोधाने सोशल मीडियावर व्यक्त झाली आहे.

श्रद्धा कपूर आणि रोहन श्रेष्ठ यांचे ब्रेकअप झाले असल्याच्या चर्चांना उधाण आल्याने मोठी खळबळ उडाली. समाज माध्यमावर याविषयी अनेक प्रश्न उपस्थित होऊ लागले. अखेर श्रद्धा कपूरने अप्रत्यक्षरित्या त्यावर प्रतिक्रिया देऊन अनेकांना सडेतोड उत्तर दिले आहे.

श्रद्धा कपूर आणि रोहन श्रेष्ठ हे गेल्या ४ वर्षांपासून एकमेकांसोबत रिलेशनशिप मध्ये आहेत. अशातच त्या दोघांचा ब्रेकअप झाल्याची चर्चा सुरु झाली. त्यांच्या एकूण वागण्याचा अंदाज लावून चाहत्यांनी त्यांचा ब्रेकअप झाल्याचा निष्कर्ष काढला. ही बातमी ऐकल्यानंतर अनेकांना मोठा धक्का बसला. मात्र याचे उत्तर देणारी एक पोस्ट श्रद्धाने लिहिली आहे.

श्रद्धा कपूरने इन्स्टाग्रामवर एक पोस्ट शेअर केली आहे. त्यासोबत तिने स्वतःचा एक सुंदर आणि हसरा फोटो शेअर केला आहे. यासोबत तिने त्याला हटके कॅप्शन दिले आहे. 'और सुनाओ...' असे ती यात म्हणते. म्हणजे सगळं काही झालं असेल तर अजून सांगा... अशा उपरोधिक शैलीत ती व्यक्त झाली आहे. तिच्या या पोस्टमुळे ब्रेकअप झाल्याचे सांगणाऱ्या सर्वांच्या तोंडाला टाळे लागले आहे. बोलती बंद झाली आहे. श्रद्धाच्या या फोटोवर अनेकजण कमेंट करताना दिसत असून डान्स मास्टर रेमो डिसूझानेही त्यावर प्रतिक्रिया दिली आहे.

श्रद्धा कपूर लवकरच निर्माता-दिग्दर्शक लव रंजन यांच्या चित्रपटात दिसणार आहे. या चित्रपटाचे नाव अद्याप जाहीर झाले नसले तरी या चित्रपटात श्रद्धा कपूरसोबत रणबीर कपूर मुख्य भूमिकेत दिसणार आहे. सध्या ती या चित्रपटाच्या शूटिंगमध्ये व्यस्त आहे. यासोबत ती लवकरच ‘चालबाज इन लंडन’ आणि विशाल फुरियाच्या ‘पाइपलाइन’ या चित्रपटातही झळकणार आहे.