Shraddha Kapoor: 'क्रिश 4'मध्ये श्रद्धा कपूरची एन्ट्री? हृतिक रोशनच्या कमेंटनं वेधलं लक्ष

Hrithik Roshan's comment on Shraddha Kapoor's post: बॉलिवूड अभिनेत्री श्रद्धा कपूर ही नेहमी कोणत्या ना कोणत्या कारणाने चर्चेत असते. श्रद्धा तिच्या चित्रपटांव्यतिरिक्त तिच्या सोशल मिडिया पोस्टमुळे देखील चर्चेत असते. श्रद्धा सोशल मीडियावर खूप सक्रिय असते.

श्रद्धा अनेकदा तिचे लेटेस्ट फोटो आणि व्हिडिओ तिच्या चाहत्यांसोबत शेअर करत असते. त्याच्यासोबत संवाद साधत असते.

अलीकडेच श्रद्धाने तिच्या इंस्टाग्रामवर तिचे लेटेस्ट फोटो शेअर केले आहेत. या फोटोत श्रद्धा कोवळ्या उन्हाचा आनंद घेताना दिसत आहे.

तिने तिचे 3 फोटो शेअर केले आहे. मात्र या फोटोपेक्षा तिने या फोटोलो दिलेल्या कॅप्शने सर्वांचे लक्ष वेधून घेतले आहे.

फोटो शेअर करताना श्रद्धाने कॅप्शनमध्ये लिहिले की, "'जादू' सारखा सूर्यप्रकाश हवा आहे". थोडक्यात श्रद्धा हृतिक रोशनच्या 'कोई... मिल गया' चित्रपटातील एलियनचा संदर्भ दिला आहे. तिला चित्रपटातील पात्र जादू आठवला आहे.

हे फोटो पाहिल्यानंतर हृतिकही स्वत: ला कमेंट करण्यापासून रोखू शकलेला नाही. हृतिक या पोस्टमध्ये लिहितो की, “तो येत आहे. त्याला सांगेन.” यावर श्रद्धाने कमेंट केली, “हृतिक रोशन, खरंच??? केव्हा...काय...कुठे सांगा मला सांगा!"

त्यामुळे आता हृतिकने 'क्रिश 4'मध्ये जादू पुन्हा येणार असे संकेत दिले आहेत आणि त्यासोबत या चित्रपटात श्रद्धा का अशा चर्चा सुरु झाल्या आहेत. सध्या श्रद्धाची ही पोस्ट सोशल मीडियावर खुप व्हायरल होत आहे. या पोस्टला आतापर्यंत 1 मिलियनहून अधिक लाईक्स मिळाले आहेत.

श्रद्धा कपूरच्या वर्कफ्रंटबद्दल बोलायचे झाले तर ती रणबीर कपूरसोबत 'तू झुठी में मक्कार' यामध्ये दिसली होती. ती सध्या राजकुमार राव आणि पंकज त्रिपाठीच्या 'स्त्री 2' चित्रपटाच्या शूटिंगमध्ये व्यस्त आहे. आता ती क्रिश 4 मध्ये दिसणार की नाही हे अजून गुलदस्त्यात आहे.

तर 'कोई... मिल गया' चित्रपटाबाबत बोलयचं झालं तर ऋतिक रोशनचे वडील राकेश रोशन यांनी हा सिनेमा दिग्दर्शित केला होता. या चित्रपटात प्रिती झिंटा आणि रेखा यांच्याही प्रमुख भूमिका होत्या. 'क्रिश' फ्रेंचायझीची सुरुवात याच चित्रपटापासून झाली. 2016 मध्ये, हृतिक आणि राकेश रोशन यांनी चित्रपटाच्या चौथ्या भागाची घोषणा केली आहे.