Sidharth Malhotra & Kiara Advani Wedding: 6 फेब्रुवारी 2023 रोजी बीटाऊनचं आणखी एक क्यूट कपल लग्नबंधनात अडकतंय. अथिया शेट्टीनंतर आता सिद्धार्थ मल्होत्रा आपली गर्लफ्रेंड कियारा अडवाणी सोबत लग्न करणार आहे.
मीडियाला मिळालेल्या माहितीनुसार दोघांचे लग्न जैसलमेर येथील फाइव्ह स्टार हॉटेल सूर्यगढ मध्ये होणार आहे. या लग्नासंबंधित सोहळ्यांची सुरुवात ५ फेब्रुवारी रोजी होईल. सोशल मीडियावर दावा केला जात आहे की विघ्नेश शिवन आणि नयनतारा यांच्याारखंच आता सिद्धार्थ आणि कियारा देखील आपल्या लग्नाची डॉक्युमेन्ट्री बनवण्याची योजना आखत आहेत.
त्याचं झालं असं की अॅमेझॉन प्राइम व्हिडीओ या ओटीटी प्लॅटफॉर्मच्या माध्यमातून सोशल मीडियावर सिद्धार्थ मल्होत्रा आणि कियारा अडवाणी यांचा एक फोटो शेअर करण्यात आला आहे.
या फोटोत कपलसोबत राजस्थानचा किल्ला देखील नजरेस पडत आहेत. या फोटोला पाहिल्यानंतर आता अंदाज लावला जात आहे की सिद्धार्थ कियारा देखील विघ्नेश शिवन आणि नयनतारा सारखं आपली लव्ह स्टोरी को-डॉक्यमेंट्रीच्या रुपात स्ट्रीम करण्याची योजना आखत आहेत.
अर्थात यात काय खरं-काय खोटं हे समोर आलेले नाही.
एका सूत्रानं दिलेल्या माहितीनुसार कळत आहे की,'' अॅमेझॉन प्राइम व्हिडीओनं शेअर केलेला तो फोटो 'शेरशाह' सिनेमाचा आहे. सिद्धार्थ आणि कियारानं आपल्या लग्नाचे राइट्स कोणालाच अद्याप विकलेले नाहीत''.
''ओटीटी प्लॅटफॉर्मने हे फोटो फक्त त्यांचे अभिनंदन करण्यासाठी पोस्ट केले आहेत. या फोटोचा यापेक्षा आणखी कुठला दुसरा अर्थ नाही''.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
