Yodha First Poster Release: बॉलिवूडमधील प्रसिद्ध अभिनेता सिद्धार्थ मल्होत्रा (Sidharth Malhotra) हा लवकरच 'योद्धा' (Yodha) या चित्रपटामधून प्रेक्षकांच्या भेटीला येणार आहे. या चित्रपटाची प्रेक्षक उत्सुकतेने वाट बघत आहेत. अशातच या चित्रपटाचे पोस्टर अखेर रिलीज झाले आहे. हे पोस्टर हटके पद्धतीनं रिलीज करण्यात आले आहे. धर्मा प्रोडक्शनने दुबईत 13 हजार फूट उंचीवरुन योद्धा या चित्रपटाचं पोस्टर रिलीज केलं आहे.
सिद्धार्थ मल्होत्रा आणि करण जोहरने नुकताच एक व्हिडीओ सोशल मीडियावर शेअर केला आहे. या व्हिडीओमध्ये एरियल स्टंट दिसत आहेत. दुबईमध्ये स्काय डायव्हिंग करुन योद्धा या चित्रपटाचं पोस्टर रिलीज करण्यात आलं आहे. या व्हिडीओला सिद्धार्थ कॅप्शन दिलं, "थेट तुमच्या स्क्रीनवर थ्रिल्स एअरड्रॉपिंग! तुम्हा सर्वांसोबत या प्रवासाला निघताना खूप आनंद झाला. योद्धा हा चित्रपट 15 मार्च रोजी सिनेमागृहात रिलीज होणार आहे."
सिद्धार्थनं सोशल मीडियावर शेअर केलेल्या व्हिडीओमध्ये तुम्हाला काही लोक स्काय डायव्हिंग करताना दिसतील. 5 जण विमानातून उडी मारतात. यातील तीन जण योद्धा चित्रपटाचे पोस्टर धरतात.तर दोघे एरियल स्टंट करतात.
सिद्धार्थनं योद्धा चित्रपटाचं पोस्टर सोशल मीडियावर शेअर केलं आणि कॅप्शनमध्ये लिहिलं, "योद्धा चित्रपटाचा टीझर 19 फेब्रुवारी रोजी प्रदर्शित होत आहे. "
योद्धा या चित्रपटामध्ये सिद्धार्थ मल्होत्रासोबत रश्मिका मंदान्ना, राशी खन्ना आणि दिशा पटानी यांच्याही भूमिका आहेत. या चित्रपटाचे दिग्दर्शन सागर आंब्रे आणि पुष्कर ओझा यांनी केले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
