Shri Devi Prasanna Trailer News: मराठी मनोरंजन विश्वात नवीन वर्षात सत्यशोधक, पंचक आणि ओले आले हे सिनेमे रिलीज झाले. या तिनही सिनेमांना प्रेक्षकांचा संमिश्र प्रतिसाद मिळाला.
अशातच नवीन वर्षातला मराठी मनोरंजन विश्वातला नवा सिनेमा रिलीज होणार आहे. या सिनेमाचं नाव 'श्रीदेवी प्रसन्न'. सई ताम्हणकर - सिद्धार्थ चांदेकर यांच्या नवीन सिनेमाचा ट्रेलर रिलीज झालाय.
(Sridevi Prasanna movie trailer out now starring sai tamhankar siddharth chandekar)
'श्रीदेवी प्रसन्न'चा ट्रेलर रिलीज झालाय. या ट्रेलरमध्ये सिद्धार्थ - सई अरेंज मॅरेजपद्धतीने लग्न करायला उत्सुक आहेत. दोघांची भेट होते. नंतर सुरु होते अरेंजवाली लव्हस्टोरी.
सईचं कुटुंब फिल्मी असतं. तर सिद्धार्थचं कुटुंब त्याच्या लग्नासाठी उत्सुक असतं. सई - सिद्धार्थ एकमेकांना भेटतात. मग पुढे एक ट्विस्ट येतो. या दोघांचं लग्न जुळणार का? श्रीदेवी प्रसन्न नवरा - बायको होणार का? हे तर सिनेमा बघूनच समजेल.
टीप्स मराठी प्रस्तुत आणि कुमार तौरानी निर्मित श्रीदेवी प्रसन्न चित्रपटाचा ट्रेलर प्रेक्षकांच्या भेटीला आला आहे. टीप्स मराठीचा हा पहिला वहिला मराठी चित्रपट असल्याने प्रेक्षकांना या चित्रपटाची खुप उत्सुकता आहे.
या चित्रपटात सई आणि सिद्धार्थ यांच्यासोबतच सुलभा आर्या, सिद्धार्थ बोडके, रसिका सुनील, संजय मोने, वंदना सरदेसाई, समीर खांडेकर, आकांक्षा गाडे, रमाकांत डायमा, शुभांगी गोखले, पाहुल पेठे, पल्लवी परांजपे, पूजा वानखेडे, सिद्धार्थ महाशब्दे, जियांश पराडे हे कलाकार दिसणार आहे.
विशाल विमल मोढवे दिग्दर्शित 'श्रीदेवी प्रसन्न' चित्रपट २ फेब्रुवारी रोजी प्रदर्शित होणार आहे. 'श्रीदेवी प्रसन्न' हा सिनेमाचं नावच फिल्मी नाही तर हा सिनेमा देखील प्रेक्षकांचे तितकेच मनोरंजन करेल आणि बॉक्स ऑफिसवर धुमाकूळ घालेल यात काही शंका नाही. 'श्रीदेवी प्रसन्न'चा ट्रेलर पाहून सर्वांना सिनेमा पाहण्याची उत्सुकता लागली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
