Mother's Day 2023: 'मदर्स डे' ला सुबोध भावेनं पोस्ट केलेलं बोधचित्र चर्चेत..अभिनेत्यानं आई म्हणून साद घातलीय ती चक्क..

Mother's Day 2023: आज सर्वत्र 'मदर्स डे' साजरा केला जात आहे. सर्वसामान्यांपासून सेलिब्रिटींपर्यंत सारेच या मदर्स डे सेलिब्रेशनमध्ये व्यस्त दिसत आहेत. अनेकांनी आपल्या आईसोबतचा फोटो पोस्ट करत तिच्या आठवणींना उजाळा दिला आहे.

सुबोध भावेनं देखील मदर्स डे निमित्तानं एक पोस्ट शेअर केली आहे,जी सध्या चर्चेत आहे. सुबोधनं आपल्या मदर्ड डे पोस्टमध्ये आईचा फोटो नाही तर एक बोधचित्र शेअर केलं आहे आणि त्याला आई म्हणून साद घातली आहे. चला जाणून घेऊया नेमकी काय आहे सुबोधची पोस्ट?(Mother's Day 2023- Subodh Bhave Post)

सुबोध भावेनं मदर्स डे निमित्तानं शेअर केलेल्या पोस्ट मध्ये एक बोधचित्र शेअर केलं आहे जे निसर्गाचं सुंदर दर्शन घडवत आहे. गेल्या काही दिवसांपासून सुबोध त्याच्या इन्स्टाग्राम अकाउंटवर कधी निसर्गाचे तर कधी निसर्गाच्या सान्निध्यातील त्याचे फोटो पोस्ट करताना दिसत होता. त्यामुळे मदर्स डे निमित्तानं निसर्गाला..धरणीला..पृथ्वी मातेला आई म्हणून साद घालत त्यानं या दिवसाचं महत्त्व थोडं अधिक वाढवलं आहे.

सुबोध भावेची ही पोस्ट त्याच्या चाहत्यांना भलतीच आवडली आहे. अनेकांनी त्याचं यामुळे कौतूकच केलं आहे. सुबोध भावे अनेकदा अशा वेगळ्या पोस्ट शेअर करताना दिसतो. त्याच्या पोस्ट या अनेकदा चांगला विचारही देऊन जातात.

नुकताच सुबोध भावे आपल्याला 'फुलराणी' या सिनेमाच्या निमित्तानं भेटीस आला होता. त्याचा हा सिनेमा बॉक्सऑफिसवर फारसा चालला नसला तरी प्रेक्षकांच्या कौतूकास मात्र पात्र ठरला एवढं नक्की.