Sukesh Chandrasekhar's Claim Nora Fatehi: 200 कोटींच्या मनी लाँड्रिंग प्रकरणातील आरोपी सुकेश चंद्रशेखर यांच्यासोबत आतापर्यंत अनेक अभिनेत्रीची नावे जोडली गेली आहेत. ईडीने बॉलिवूड अभिनेत्री जॅकलिन फर्नांडिस आणि नोरा फतेही यांचीही चौकशी केली आहे. या प्रकरणात नवनवीन खुलासे होत आहे.
अलीकडेच नोरा फतेहीने सुकेशवर आरोप केला होता की, त्याने तिला आपली गर्लफ्रेंड बनण्याची ऑफर दिली होती. त्या बदल्यात तो नोराला आलिशान जीवनशैली आणि मोठा बंगला देणार होता.
आता नोरा फतेहीच्या या वक्तव्यावर सुकेशने सांगितलं की, नोराने घर घेण्यासाठी पैसे मागितले होते. मोरोक्कोमध्ये घर घेण्यासाठी त्याने नोरा फतेहीला पैसेही दिले. त्याने जॅकलीन फर्नांडिसला सोडावं अशी तिची इच्छा होती. नोरा त्याला त्रास देत होती असंही सुकेशने सांगितलं. आता ती स्वतःला वाचवण्यासाठी काहीही सांगत असल्याचही त्याने सांगितलं.
नोरा फतेहीला कार देण्याच्या प्रकरणावरही सुकेश म्हणाला की, नोरा भारताची नाही. यामुळे तिने ते वाहन तिच्या एका जवळच्या मैत्रींनीच्या पतीच्या नावावर नोंदणीकृत करण्यासाठी सांगितले. नोरा फतेहीला जॅकलीन फर्नांडिसचा हेवा वाटत होता, असा दावाही महाठग यांनी केला आहे.
दिल्लीच्या पटियाला हाऊस कोर्टाने सोमवारी कथित मनी लॉन्ड्रिंग प्रकरणातील युक्तिवाद स्थगित केला. कोर्टात वैयक्तिक हजर राहण्यापासून सूट देण्याची जॅकलिनची याचिकाही कोर्टाने मान्य केली आहे. कोर्टात या प्रकरणाची पुढील सुनावणी 15 फेब्रुवारी 2023 रोजी होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
