Sunny Deol: सनी पाजी झाले टुल्ल, रिक्षाचालकानं दिला धीर! व्हिडिओ व्हायरल...

Sunny Deol in Mumbai street: सध्या मनोरंजन विश्वात देओल परिवाराची बरिच चर्चा आहे. एकीकडे बॉबी देओल अ‍ॅनिमल' चित्रपटातून प्रेक्षकांची मन जिंकत आहे तर दुसरीकडे अभिनेता सनी देओलच्या 'गदर 2' चित्रपटाने बॉक्स ऑफिस दणाणून सोडलं होतं.

गदर 2 चित्रपटातून त्याने पुन्हा मोठ्या पडद्यावर पुनरागमन केले. मात्र सनी देओल सध्या चर्चेत आला आहे. काही दिवसांपुर्वी सनी पाजी चांगलाच ट्रोल झाला होता.

दिवंगत दिग्दर्शक राजकुमार कोहलीच्या प्रार्थना सभेत हसताना दिसलेल्या सनीवर नेटकऱ्यांनी टीका केली होती. आता पुन्हा सनी देओलचा एक व्हिडिओ सोशल मिडियावर व्हायरल होत आहे जो पाहिल्यानंतर नेटकऱ्यांना धक्काच बसला आहे.

सनी देओल मुंबईच्या जुहू सर्कलमध्ये रात्री उशिरा मद्यधुंद अवस्थेत रस्त्यावर फिरताना दिसला असा दावा करण्यात येत आहे. या व्हिडिओतही दिसते की सनी पाजी फुल टल्ली होऊन रस्त्यावर फिरत आहे.

तो एका ऑटो धडकणार इतक्यात त्या ऑटो चालकाने त्याला ओळखले आणि त्याची मदत केली. यानंतर त्या रिक्षा चालकाने सनीला पकडून ऑटोमध्ये बसवले.

या व्हिडिओत सनी रिक्षा चालकाशी बोलताना आणि हसताना दिसत आहे. तर व्हिडिओ बनवणाऱ्या व्यक्तीला ऑटोचालकाने फटकारले आणि बाजूला केले आहे.

हा व्हिडिओ सोशल मिडियावर शेअर होताच व्हायरल झाला आणि नेटकरी व्हिडिओवर कमेंट करत आहेत. एकानं लिहिले, जनतेची सेवा करून थकलो. त्यांना सहानुभूतीचे टॉनिक हवं आहे. तर दुसऱ्याने लिहिले आहे की, हातपंप उखडलेल्या व्यक्तीची आताची ही अवस्था पहा.

तर आणखी एका नेटकऱ्यांने लिहिले, तो फिरत नाही तर नाचत आहेत. एकानं लिहिलं, सर या, मी तुम्हाला लाहोरला सोडतो.

मात्र हा व्हिडिओ खरा नसून सनीचा हा व्हिडिओ त्याच्या चित्रपटाच्या शूटिंगमधला सीन आहे. सनीचा बचाव करताना एकानं कमेंट केली आहे की, 'व्हिडिओ मागचे सत्य म्हणजे सनी त्याच्या पुढच्या 'सफर' चित्रपटाचे शूटिंग करत आहे आणि समोर आलेला हा व्हिडिओ त्याच्या चित्रपटाचा एक भाग आहे.'

सनीचा खुलासा!

सनी देओल दारुच्या व्यसनापासून लांब आहे. त्याने स्वतः एका मुलाखतीत खुलासा केला होता की, तो दारूपासून दूर राहतो.

या मुलाखतीत तो म्हणला, "मी प्रयत्न केलाच नाही असे नाही, मी इंग्लंडला गेल्यावर समाजाचा एक भाग बनण्याचा प्रयत्न केला, पण मला दारू काय प्रकार आहे हे समजू शकले नाही कारण ती खूप कडू होती.

त्याशिवाय, एक उग्र वास, ती पिल्यानंतर डोकं दुखत असताना का प्यायची? याला काही अर्थ नाही, म्हणून मी कधीच पीत नाही." त्यामुळे आता हा व्हिडिओ खरा नसून केवळ शुटिंगमधला एक सीन असल्याचे बोलले जात आहे.