सुशांतने पिके चित्रपटासाठी घेतलं होतं फक्त २१ रुपये मानधन, कारण..

sushant singh rajput : 'पवित्र रिशता' ते बॉलीवुड असा सुशांत सिंह राजपूतचा प्रवास थक्क करणारा होता. इतकं नाव कमावणं त्याच्यासाठी सोपं नव्हतं. त्याने या क्षेत्रात नाव मिळवण्यासाठी खूप मेहनत घेतली. सुशांतने अक्षरशः प्रेक्षकांच्या मनात घर केले होते. पण काळाने त्याच्यावर घाला घातला. आजच्या दिवशी म्हणजे १४ जून २०२० रोजी त्याने अखेरचा श्वास घेतला. आजही त्यांच्या स्मृती आपल्या मनात जीवंत आहे. कारण सुशांत माणूस म्हणूनही तितकाच उमदा होता. ज्यावेळी टो कोट्यवधी मानधन आकरत होता. अशावेळी त्याने काही चित्रपट विना मानधनही केले आहेत. (sushant singh rajput took only 21 rupees fees for pk movie) (sushant singh rajput death anniversary)

सुशांतने सर्वप्रथम मालिका विश्वात पदार्पण केले. छोट्या पडद्यावरील ‘किस देश में है मेरा दिल’ या मालिकेमध्ये सुशांतनं प्रीत जुनेजा ही भूमिका साकारली. या मालिकेनंतर सुशांतला ‘पवित्र रिश्ता’ या मालिकेची ऑफर मिळाली. या मालिकेमुळे सुशांतला विशेष लोकप्रियता मिळाली. त्यानंतर सुशांतचं बॉलीवुडचं दार खुलं झालं. केदारनाथ, छिछोरे, एम. एस. धोनी: द अनटोल्ड स्टोरी, दिल बेचारा, पीके,शुद्ध देसी रोमान्स, काय पो चे यांसारखे अनेक हिट चित्रपट सुशांतनं दिले. सुशांतने बघताबघता बॉलीवुडमध्ये स्वतःची वेगळी ओळख बनवली होती. पण त्याच्यातील प्रेम, माणुसकी कधीही कमी झाली नाही. त्याचीच ही आठवण.

बॉलीवुड मध्ये सुशांतची बरीच हवा होती. त्यावेळी दिग्दर्शक राजकुमार हिरानी पिके चित्रपट करत होते. अमीर खान यांची प्रमुख आणि अनुष्का शर्माची मध्यवर्ती भूमिका असलेल्या या चित्रपटात सुशांतला केवळ १५ मिनिटांच्या भूमिकेसाठी विचारले गेले. त्यावेळी चित्रपटाचा विषय ऐकून आणि हिरानी यांच्यासोबत काम करण्याची संधी पाहून सुशांतने कोणतंही मानधन देणार नसाल तर काम करीन अशी अट घातली. या अवघ्या पंधरा मिनिटांच्या भूमिकेतही सुशांतने प्रेक्षकांना भुरळ घातली. शेवटी राजकुमार हिरानी आणि सुशांतच्या हातावर २१ रुपये शुभशकुन म्हणून ठेवले, आणि सुशांतने तेवढीच रक्कम त्यांचा आशीर्वाद म्हणून स्वीकारली. हे जेव्हा मिडियासमोर आले तेव्हा त्याचे खूप कौतुक करण्यात आले.