Swapnil Joshi: घाबरून असतो बायकोला.. स्वप्नील जोशीचा बायकोसाठी खास उखाणा..

swapnil joshi : मराठीतील एक दिग्गज आणि लोकप्रिय अभिनेता म्हणून ख्याती असलेला अभिनेता स्वप्नील जोशी, सध्या बराच चर्चेत आहे. मध्यंतरी केलेली पायी वारी असो, 'चला हवा येऊ द्या' मध्ये विशेष भूमिका असो किंवा 'तू तेव्हा तशी' या मालिकेतील सौरभ पटवर्धन. स्वप्नील हा कायमच प्रेक्षकांना भावाला आहे. विशेष म्हणजे यशाच्या इतक्या मोठ्या शिखरावर असूनही तो सर्वांशी आपुलकीने वागताना दिसतो. आज त्याने आपल्या बायकोसाठी एक खास पोस्ट शेयर केली आहे. यावेळी त्याने बायकोसाठी एक खास उखाणा घेतलेला असून त्याचा हा व्हिडिओ सध्या चर्चेत आहे.

(Swapnil Joshi shared ukhana post for wife on 11th wedding anniversary)

स्वप्नील जोशीने त्याच्या इन्स्टाग्राम अकाऊंट वरुन एक व्हिडीओ शेअर केला आहे. हा व्हिडिओ खास त्याने बायकोसाठी तयार केला आहे. यामध्ये स्वप्नील आणि त्याची पत्नी लीना यांचे अनेक फोटो आहेत. या व्हिडिओ मध्ये त्याने एक उखाणा घेतला आहे. तो म्हणतो, 'घाबरुन असतो मी बायकोला.. असलो जरी हौशी.. कारण दात तोडायचं ऑफिशिअल लायसन्स म्हणजे आमची लीना जोशी', असा गमतीशीर उखाणा त्याने घेतला आहे. हा व्हिडिओ सध्या चांगलाच चर्चेत आहे.

पुढे तो कॅप्शन मध्ये म्हणाला आहे, 'हसवल्याबद्दल धन्यवाद... मला कुटुंब दिल्याबद्दल धन्यवाद... आठवणींबद्दल धन्यवाद... वेडेपणाबद्दल धन्यवाद. विचित्रपणाबद्दल धन्यवाद. सर्व लहान-सहान गोष्टींसाठी धन्यवाद. देव तुला कायम असाच आनंद देत राहो...' स्वप्नील यावेळी काहीसा भावूक झालेला दिसला. त्याच्या या पोस्टवर अनेकांनी त्याला शुभेच्छा दिल्या आहेत.

लग्नाच्या ११ व्या वाढदिवसानिमित्त त्याने ही पोस्ट केली आहे. स्वप्नीलचे दुसरे लग्न आहे. पहिल्या घटस्फोटानंतर त्याने लीना आराध्ये सोबत 2011 मध्ये लग्नगाठ बांधली. गेली ११ वर्षे ते सुखी संसार करत असून त्यांना दोन आपत्य आहेत.