Swatantra Veer Savarkar: बॉलिवूडमधील प्रसिद्ध अभिनेता रणदीप हुड्डाचा (Randeep Hooda) 'स्वातंत्र्यवीर सावरकर'(Swatantra Veer Savarkar) या चित्रपटाचा लवकरच प्रेक्षकांच्या भेटीला येणार आहे. या चित्रपटाची प्रेक्षक उत्सुकतेने वाट बघत आहेत. अशताच आता या चित्रपटाबद्दल विनायक दामोदर सावरकर यांचे नातू रणजीत सावरकर यांनी ANI ला दिलेल्या मुलाखतीमध्ये सांगितलं आहे.
रणजीत सावरकर यांनी ANI ला दिलेल्या मुलाखतीमध्ये सांगितलं, "रणदीप हुड्डा यांच्यासोबत माझी अनेकदा चर्चा झाली. त्यांनी खूप मेहनत घेऊन हा चित्रपट बनवला आहे, त्यांनी 30 किलो वजन कमी केले आहे. मी अजून चित्रपट पाहिलेला नाही पण हा चित्रपट चांगला असेल याची मला खात्री आहे. चित्रपट हे एक माध्यम आहे ज्याद्वारे इतिहास नव्या पिढीकडे नेला जाऊ शकतो. मला आशा आहे की सावरकरांवर आणि इतर क्रांतिकारकांवर आणखी चित्रपट बनतील..."
रणदीपनं एबीपी माझाला दिलेल्या मुलाखतीमध्ये 'स्वातंत्र्यवीर सावरकर' सिनेमाला प्रपोगंडा म्हणणाऱ्यांना रणदीप हुड्डाचं सडेतोड उत्तर दिलं आहे. तो म्हणाला, "कुछ तो लोग कहेंगे, लोगो का काम है कहना, लोक काहीही बोलतात, हा सिनेमा तयार करण्यासाठी मला कोणीही मदत केलेली नाही. या सिनेमासाठी मी माझं घर विकलं आहे. मी हा सिनेमा सावरकरांवर झालेला अन्याय दाखवण्यासाठी बनवला आहे. तुम्ही कोणत्या प्रोपगंडाबद्दल बोलत आहात? प्रपोगंडा चित्रपटासाठी एक-दीड वर्ष कोण मेहनत करतं? मी या सिनेमासाठी काय केलं आहे, ते मला माहित आहे. पण लोक काहीही विचार करु शकतात."
'स्वातंत्र्यवीर सावरकर' हा चित्रपट 22 मार्च रोजी प्रेक्षकांच्या भेटीला येणार आहे. रणदीपसोबतच या चित्रपटात अंकिता लोखंडे, अपिंदरदीप सिंह यांनी देखील काम केलं आहे.काही दिवसांपूर्वी या चित्रपटाचा ट्रेलर रिलीज करण्यात आला होता. या ट्रेलरनं अनेकांचे लक्ष वेधले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
