Viral Video: 'त्याला मृत्यूनं गाठलंच होतं तितक्यात...', सिनेमाच्या सेटवर तामिळ अभिनेत्यासोबत जीवघेणा प्रसंग

VIral Video: साऊथ सिनेमाचा चर्चित अभिनेता आणि निर्माता विशाल कृष्ण रेड्डीसोबत एक मोठा जीवघेणा प्रसंग नुकताच सिनेमाच्या सेटवर शूटिंग दरम्यान घडला. तो प्रसंग पाहून पाहणाऱ्याच्या पायाखालची जमीनच सरकली होती.

मृत्यूनं अभिनेत्याला जवळपास गाठलंच होतं..पण म्हणतात ना देव तारी त्याला कोण मारी. सध्या त्या सेटवरील अपघाताचा व्हिडीओ पाहून प्रत्येक जण बहुधा हेच म्हणतोय.

विशाल रेड्डी त्याच्या 'मार्क एंटनी' सिनेमाचं दिग्दर्शन करत होता तेव्हाच सेटवर हा मोठा अपघात होता होता राहिला. त्यानं स्वतः याचा व्हिडीओ इन्स्टाग्रामवर शेअर केला आहे.

बोललं जातं की,सीन ज्याप्रमाणे शूट करण्याचे योजिले होते त्यानुसार ट्रकला भिंत तोडून झाल्यावर तिथे थांबायचे होते,पण काहीतरी तांत्रिक बिघाड झाला आणि ट्रकचा ब्रेकच लागला नाही आणि ट्रकचा ताबा सुटला.

यामुळे संपूर्ण सेटवर लोक सैरावैरा पळू लागले. योग्य वेळी त्या भरकटलेल्या ट्रकवर नजर पडली आणि प्रसंगावधान राखून सर्वजण लांब झाले.

विशाल जोरदार वेगानं धावणाऱ्या त्या ट्रकपासून काही सेकंदाच्या अंतरावरच उभा होता..हे व्हायरल व्हिडीओत दिसत आहे. विशाल सोबत ज्युनिअर आर्टिस्टही होता.

विशाल कृष्ण रेड्डीनं या घटनेचा व्हिडीओ आपल्या ट्वीटर हॅंडलवर शेअर करत लिहिलं आहे की, ''बस्स...काही सेकंदाच्या अंतरावर माझं आयुष्य वाचलं. मी देवाचा आभारी आहे. या घटनेमुळे मी सुन्न झालो आहे. अर्थात आता सगळं ठीक आहे आणि मी पुन्हा शूटिंग सुरू केलं आहे''.

विशालचा हा व्हिडीओ पाहून त्याच्या चाहत्यांना मात्र मोठा धक्का बसला आहे. ते आपल्या आवडत्या स्टार्ससाठी देवाकडे प्रार्थना करताना दिसत आहेत.

देवाचे आभार मानताना दिसत आहेत. 'मार्क एंटनी' सिनेमात विशाल व्यतिरिक्त रितु वर्मा, अभिनय आणि एसजे सूर्या दिसणार आहेत ज्याचं दिग्दर्शन रविचंद्रन करणार आहेत.