TDM Trailer : 'लाथ मारशील तिथं पाणी काढशील लेका तू..' भाऊचा नवा धक्का!

TDM Marathi Movie Trailer Bhaurao Karhade Director : मराठी चित्रपटांमध्ये आपल्या चित्रपटांनी वेगळी ओळख निर्माण करणाऱ्या दिग्दर्शकांमध्ये भाऊराव कऱ्हाडेचे नाव घ्यावे लागले. त्याच्या यापूर्वीच्या ख्वाडा, बबन या चित्रपटांना प्रेक्षकांचा तुफान प्रतिसाद मिळाला होता. आता त्याच्या टीडीएम नावाच्या चित्रपटाचे चाहत्यांना वेध लागले आहेत.

सोशल मीडियावर भाऊच्या टीडीएमचा ट्रेलर व्हायरल झाला आहे. आता प्रदर्शित झाला असून त्याला नेटकऱ्यांचा मिळालेला प्रतिसाद मोठा आहे. गेल्या काही दिवसांपासून या चित्रपटाच्या ट्रेलरची प्रेक्षक वाट पाहत होते. चाहत्यांनी भाऊचे कौतूक केले आहे. त्याच्या या चित्रपटासाठी त्याला शुभेच्छा दिल्या आहे. वेगळे विषय, त्याची प्रभावी मांडणी आणि सादरीकरण यासाठी भाऊच्या चित्रपटांना मिळणारा प्रतिसाद मोठा असल्याचे दिसून आले आहे.

Also Read - पाठ्यपुस्तकांत वह्यांची घुसखोरी

टीडीएमच्या ट्रेलरमधून त्यात भूमिका करणारे कलाकार, चित्रपटाचा विषय याविषयी प्रेक्षकांनी काही अंदाज बांधले आहेत. नवीन कलाकारांना घेऊन भाऊच्या या चित्रपटाची प्रेक्षकांना उत्सुकता आहे. यापूर्वी या चित्रपटातील प्रदर्शित झालेल्या गाण्यांना देखील श्रोत्यांचा चांगला प्रतिसाद मिळाला होता. 'टीडीएम' चित्रपटातील नवखे चेहऱ्यांविषयी सांगायचे झाल्यास त्यामध्ये अभिनेता पृथ्वीराज आणि अभिनेत्री कालिंदी यांनी प्रमुख भूमिका साकारल्या आहेत.

'चित्राक्ष फिल्म्स' आणि ' स्माईल स्टोन स्टुडिओ' प्रस्तुत 'टीडीएम' चित्रपटाच्या निर्मितीची आणि दिग्दर्शनाची धुरा भाऊराव नानासाहेब कऱ्हाडे यांच्याकडे आहे. 'ख्वाडा' आणि 'बबन' चित्रपटाच्या अभूतपूर्व यशानंतर एक आगळावेगळा विषय ते या चित्रपटातून मांडणार आहेत. हा चित्रपट २८ एप्रिल २०२३ ला हा चित्रपट संपूर्ण महाराष्ट्रात प्रदर्शित होणार आहे.