Leo box office collection Day 2 News: थलापती विजयचा लिओ सिनेमा १९ ऑक्टोबरला जगभरात प्रदर्शित झाला. विजयच्या लिओ सिनेमाची अनेक महिन्यांपासुन उत्सुकता होती. अखेर लिओ सिनेमा प्रदर्शित झाला.
लिओ सिनेमाचं दुसऱ्या दिवसाचं बॉक्स ऑफीस कलेक्शन समोर आलंय. लिओ सिनेमासंबंधी संमिश्र प्रतिक्रिया असल्या तरीही सिनेमा छप्परफाड कमाई करताना दिसतोय.
(thalapathy vijay leo movie enter in 100 cr club)
लिओची दुसऱ्या दिवसाची कमाई
सेव्हन स्क्रीन स्टुडिओचा दावा आहे की, लिओ चित्रपटाने त्याच्या पहिल्या दिवशी (गुरुवारी) ₹148.5 कोटींचे जागतिक कलेक्शन केले, ज्यापैकी त्याने केवळ भारतात अंदाजे ₹64.80 कोटी कमावले.
याशिवाय सॅकनिल्कच्या अहवालानुसार, लिओने शुक्रवारी भारतात ₹36 कोटी कमावले. याशिवाय मुळ तामिळ सिनेमा पाहण्यासाठी 66 % थिएटर हाऊसफुल्ल होते. त्यामुळे थलापती विजयच्या लिओ सिनेमाने जागतिक स्तरावर १०० कोटींपेक्षा जास्त कमाई केलीय.
थलापती विजयचा लिओ सिनेमा तमिळ, तेलगू, मल्याळम, कन्नड आणि हिंदीसह अनेक भाषांमध्ये रिलीज झाला आहे.
हा चित्रपट लोकेश कनगराजच्या ‘लोकेश सिनेमॅटिक युनिव्हर्स’ या सिनेमॅटिक फ्रँचायझीचा एक भाग असल्याचे सांगितले जाते. याआधी कैथी, विक्रम हे युनिव्हर्सचे सिनेमे सुपरडूपरहिट झालेत.
लिओ सिनेमात थलपथी विजय व्यतिरिक्त संजय दत्त, त्रिशा कृष्णन, अर्जुन सर्जा, मन्सूर अली खान, प्रिया आनंद, मिस्किन आणि गौतम वासुदेव मेनन यांच्या प्रमुख भूमिका आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
