ठाणे : राष्ट्रवादीचे अध्यक्ष शरद पवार यांच्याबद्दल आक्षेपार्ह पोस्ट केल्यानंतर अडचणीत सापडलेली मराठी अभिनेत्री केतकी चितळेला ठाणे न्यायालयाने अॅट्रॉसिटी कायद्यान्वये जामीन मंजूर केला आहे. तिला २५ हजार रूपयांच्या जामीनावर सध्या जामीन मंजूर करण्यात आला आहे. (Ketaki Chitale Latest News)
केतकी चितळेला ठाणे कोर्टाने दिलासा दिला असला तरीही ती तुरूंगातच राहणार आहे, कारण ती आणखी एका प्रकरणात आरोपी आहे ज्या प्रकरणात 21 जून रोजी जामीनावर सुनावणी होणार आहे.
राष्ट्रवादीचे नेते शरद पवार (Sharad Pawar) यांच्यावर सोशल मीडियावर टीका केल्यानंतर केतकी चितळेला पोलिसांनी अटक केली होती. पवारांवर वाईट शब्दांत टीका करणाऱ्या केतकीच्या त्या पोस्टनंतर राज्यभर तिच्याविरोधात आंदोलनं करण्यात आली सोबतच तिच्याविरोधात राज्यातील वेगवेगळ्या पोलीस ठाण्यांमध्ये गुन्हेही दाखल करण्यात आले होते. आता केतकी चितळेनं आपल्याला करण्यात आलेली अटक बेकायदेशीर असल्याचे सांगत त्याविरोधात पुन्हा मुंबई उच्च न्यायालयात धाव घेतली आहे.
केतकीनं यापूर्वी देखील हायकोर्टामध्ये धाव घेतली होती. आता एएनआयनं (Ketki Chitle facebook post) केलेल्या व्टिटमध्ये तिनं पुन्हा नव्यानं हायकोर्टामध्ये सुटकेसाठी अर्ज केला आहे. त्यामध्ये पोलिसांनी केलेली अटक ही बेकायदेशीर असल्याचे म्हटले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
