The Kashmir Files: काश्मीर फाईल्सवर मोदी काय म्हणाले?

The Kashmir Files: बॉलीवूडचे प्रसिद्ध दिग्दर्शक विवेक अग्निहोत्री (Vivek Agnihotri) यांच्या द काश्मीर फाईल्स या चित्रपटाची मोठया प्रमाणावर चर्चा आहे. ज्वलंत विषयाची मांडणी करुन अग्निहोत्री यांच्या (Bollywood Movies) या चित्रपटानं लक्ष वेधून घेतलं आहे. काश्मिर पंडितांवर झालेल्या अन्याय आणि अत्याचार हा विषय केंद्रस्थानी ठेवून (Bollywood News) त्याची प्रभावी सादरीकरण अग्निहोत्री यांनी केली आहे. सोशल मीडियावर या चित्रपटाविषयी वेगवेगळ्या प्रकारच्या प्रतिक्रिया व्हायरल झाल्या आहेत. सुरुवातीला काश्मिरमध्येच या चित्रपटाचे खास स्क्रिनिंग आयोजित करण्यात आले होते. त्यालाही तेथील प्रेक्षकांचा प्रचंड प्रतिसाद मिळाला होता. आता या चित्रपटावर देशाचे पंतप्रधान नरेंद्र मोदी यांनी देखील प्रतिक्रिया दिली आहे. ते काय म्हणाले हे आपण जाणून घेणार आहोत.

द काश्मिर फाईल्स हा चित्रपट प्रदर्शित होण्यापूर्वी त्याच्यावरुन वेगवेगळया प्रकारच्या प्रतिक्रिया सोशल मीडियावरुन व्हायरल झाल्या होत्या. सेन्सॉर बोर्डानं देखील निर्माते आणि दिग्दर्शक यांना या चित्रपटातील अनेक प्रसंगांना कात्री लावण्यास सांगितले होते. त्यामुळे दिग्दर्शकांनी त्यावरुन नाराजी व्यक्त केली होती. गेल्या काही दिवसांपूर्वी कपिल शर्माच्या शो मध्ये या चित्रपटाच्या प्रमोशनवरुन मोठा वाद निर्माण झाला होता. त्यावरुन मोठी आरोप प्रत्यारोपांची राळ उडाली होती. मात्र जेव्हा हा चित्रपट प्रदर्शित झाला तेव्हापासून बॉक्स ऑफिसवर त्यानं विक्रमी कमाई केल्याचे दिसून आले आहे. प्रेक्षकांना हा चित्रपट कमालीचा आवडल्याचे दिसून आले आहे.

आता खुद्द पंतप्रधान नरेंद्र मोदी यांनी देखील द काश्मीर फाईल्स या चित्रपटावर आपली प्रतिक्रिया दिली आहे. मोदींनी चित्रपटाची स्तुती करताना चित्रपटाचे निर्माते आणि दिग्दर्शक यांनाही धन्यवाद दिले आहे. अभिनेत्री पल्लवी जोशी यांनी सोशल मीडियावर मोदींच्या भेटीचे फोटो शेयर केले आहेत. यावेळी निर्माता अभिषेक अग्रवाल देखील उपस्थित होते. त्यांनी लिहिलं आहे की, मोदींनी आमच्या चित्रपटाचे कौतूक केले याबद्दल त्यांचे धन्यवाद. आम्ही जे काही तयार केले त्याची त्यांनी दखल घेतली यासाठी त्यांचे विशेष आभार.