The Kerala Story: 'कोणी द केरळ स्टोरी विकत घेता का विकत..', ओटीटीसाठी खरेदीदार मिळेना!

The Kerala Story: सुदीप्तो सेनचा 'द केरळ स्टोरी' हा चित्रपट रिलिजपुर्वीच वादात अडकला होता. टिझर आणि ट्रेलरच्या वादात हा चित्रपट 5 मे रोजी थिएटरमध्ये प्रदर्शित झाला. मात्र रिलिजनंतर वादाच्या आणि पाठिंब्याच्या सत्रात द केरळ स्टोरीच्या बॉक्स ऑफिस कमाईने बाजी मारली. बाद होऊनही चित्रपटाने 37 दिवसांत बॉक्स ऑफिसवर 238.42 कोटींची कमाई करत नवा इतिहास रचला. केवळ 30 कोटींच्या बजेटमध्ये तयार करण्यात आलेला हा चित्रपट सुपरहिट ठरला.

अलीकडेच हा चित्रपट ओटीटीवर रिलिज होणार अशी बातमी समोर आली होती मात्र आता चित्रपटाचे दिग्दर्शक सुदीप्तो सेनने एक धक्कादायक खुलासा केला आहे. ओटीटीवर चित्रपटाला खरेदीदार मिळत नसल्याचं त्यांनी सांगतिलं आहे.

चित्रपटसृष्टीत या चित्रपटाविरोधात एक टोळी तयार झाल्याचा आरोपही त्यांनी केला आहे. सुदीप्तो सेन या चित्रपटाला OTT वर चांगली डील न मिळत नसल्याने निराश झाले आहे.

'रेडिफ'शी या माध्यामाशी संवाद साधताना सुदीप्तो सेन म्हणाले की, 'द केरळ स्टोरी' ही चित्रपट सध्या कोणत्याही OTT प्लॅटफॉर्मवर स्ट्रीम होणार नाही आहे. समोर येत असलेल्या बातम्या खोट्या आहेत.'

ते पुढे म्हणाले की, 'आतापर्यंत कोणताही चांगला प्रस्ताव आलेला नाही. आम्हाला शिक्षा देण्यासाठी फिल्म इंडस्ट्री एकत्र आल्याचं दिसत आहे. आमच्या चित्रपटाचे बॉक्स ऑफिसवरील यशाने चित्रपट उद्योगातील अनेक भाग अस्वस्थ केले आहेत.'

चित्रपटाला मिळालेल्या यशाची शिक्षा देण्यासाठी मनोरंजन उद्योगातील एक वर्ग एकत्र आला असल्याच आम्हाला वाटते असंही ते म्हणाले. याशिवाय प्रेक्षकांचा एक वर्गही या चित्रपटावर प्रचंड नाराज असल्याच्या चर्चाही आहेत,

हा चित्रपट केरळमधील काही महिलांची कथा सांगतो ज्यांना इस्लाम धर्म स्वीकारण्यास आणि नंतर ISIS मध्ये सामील होण्यास भाग पाडले गेले. 'द केरळ स्टोरी' याचे दिग्दर्शन सुदिप्तो सेन यांनी केले असून विपुल अमृतलाल शाह यांनी निर्मिती केली आहे. तर कलाकारांबद्दल सांगायचं झाल तर अदा शर्मा, योगिता बिहानी, सोनिया बालानी आणि सिद्धी इदनानी मुख्य भूमिकेत आहेत.