The Kerala Story : महाराष्ट्रातही 'द केरळ स्टोरी टॅक्स फ्री' करा! मध्यप्रदेशात चित्रपट पाहण्यासाठी खास...

The Kerala Story Tax-free : सध्याच्या घडीला द केरळ स्टोरी चित्रपटावरुन मोठ्या वादाला सुरुवात झाली आहे. लव जिहाद सारख्या वेगळ्या मुद्याला स्पर्श करत हा चित्रपट हिंदू आणि मुस्लिम या दोन धर्मांतील काही गोष्टींवर प्रकाशही टाकतो. द केरळ स्टोरी प्रदर्शित झाल्यानंतर मनोरंजन विश्वात तर खळबळ उडालेली दिसते.

देशाचे पंतप्रधान नरेंद्र मोदी यांनी देखील द केरळ स्टोरीवरुन प्रतिक्रिया दिली आहे. त्यांनी देशामध्ये ज्या गोष्टी घडत आहेत त्याचे प्रतिबिंब या चित्रपटातून उमटत असल्याचे दिसून आले आहे. असे म्हटले आहे. यानंतर राजकीय, सामाजिक आणि सांस्कृतिक क्षेत्रातून या चित्रपटावर वेगवेगळ्या प्रकारच्या प्रतिक्रिया समोर येताना दिसत आहे. द काश्मिर फाईल्सनंतर सोशल मीडियावर सर्वाधिक चर्चा होणाऱ्या चित्रपटांमध्ये केरळ स्टोरीचे नाव घ्यावे लागेल.

Also Read - Fatty Liver Disease: संतुलित आहारातून रोखा फॅटी लिव्हरचा आजार

काश्मिर फाईल्स हा देशातील वेगवेगळ्या राज्यांमध्ये टॅक्स फ्री करण्यात आला होता. त्यानंतर आता द केरळ स्टोरी हा चित्रपट देखील टॅक्स फ्री करण्यात यावा अशी मागणी काही संघटनांकडून केली जात आहे. मध्यप्रदेशात हा चित्रपट टॅक्स फ्री करण्यात आल्यानंतर महाराष्ट्रातही तो टॅक्स फ्री करण्यात यावा अशी मागणी होताना दिसत आहे. यापूर्वी महाराष्ट्रातील भाजपच्या काही संघटनांनी केरळ स्टोरी टॅक्स फ्री व्हावा म्हणून निवेदन दिल्याची माहिती सुत्रांनी दिली आहे.

नाशिकच्या हिंदू सकल समाजाच्यावतीनं केरळ स्टोरी टॅक्स फ्री करण्यात यावा. अशी मागणी करण्यात आली आहे. हिंदू सकल समाजाच्यावतीनं राज्याच्या अनेक जिल्ह्यांमध्ये लव जिहादच्या विरोधात आंदोलनं करुन सरकारचे लक्ष वेधून घेतले आहे. या चित्रपटाच्या माध्यमातून हिंदू समाजातील मुलींमध्ये सजगता येईल. त्यांना अनेक गोष्टी कळतील. यासाठी हा चित्रपट टॅक्स फ्री करण्यात यावा. असे निवेदनात म्हटले गेले आहे.

द केरळ स्टोरी हा चित्रपट प्रसिद्ध दिग्दर्शक सुदिप्तो सेन यांनी दिग्दर्शित केला असून त्याची निर्मिती विपुल शहा यांनी केली आहे. त्यामध्ये अदा शर्मा, योगिता बिहानी, सिद्धी इडनानी आणि सोनिया बलानी यांनी प्रमुख भूमिका साकारल्या आहेत.