Tiger 3 Box Office Collection Day 2: गेल्या काही दिवसांपासून प्रेक्षकांना ज्या चित्रपटाची प्रतिक्षा होती तो सिनेमा म्हणजेच टायगर 3 दिवाळीच्या मुहूर्तावर रविवारी थिएटरमध्ये प्रदर्शित झाला. भाईजानचे चाहते या चित्रपटासाठी खुपच उत्सुक होते. सलमान खान आणि कतरिना कैफ स्टारर 'टायगर 3' ने आता रिलिजच्या दोन दिवसातच सगळे रेकॉर्ड मोडत कमाईचे नवीन विक्रम केले आहेत.
'टायगर 3' ने बॉक्स ऑफिसवर ब्लॉकबस्टर ओपनिंग केली होती. रिलीजच्या पहिल्याच दिवशी जोरदार कलेक्शन केले तर सोमवारी देखील 'टायगर 3' ने बॉक्स ऑफिसवर धमाका केला.
रिलीजच्या पहिल्या दिवशी 44.50 कोटींची कमाई केल्यानंतर आता 'टायगर 3' रिलीजच्या दुसऱ्या दिवशी देखील बॉक्स ऑफिसवर तुफान कमाई केली आहे. आता चित्रपटाच्या दुसऱ्या दिवसाच्या कलेक्शनचे आकडेही समोर आले आहेत. 'टायगर 3' ने रिलीजच्या दुसऱ्या दिवशी म्हणजे सोमवारी किती कोटींचा गल्ला जमवला आहे यावर नजर टाकूया.
Sacknilk च्या सुरुवातीच्या ट्रेंड रिपोर्टनुसार, 'टायगर 3' ने रिलीजच्या दुसऱ्या दिवशी 57.50 कोटी रुपये कमवले आहेत. या आकड्यासोबतच 'टायगर 3' ची दोन दिवसांत एकूण कमाई आता 102कोटी रुपये झाली आहे. या कमाईसोबत चित्रपटाने बॉक्स ऑफिसवर अनेक रेकॉर्ड मोडले आहे.
आता टायगर 3 ने 'बाहुबली 2' , 'गदर आणि ' टायगर जिंदा है' , 'जवान', 'बजरंगी भाईजान' , 'केजी चॅप्टर 2' , 'पठाण' यासह बऱ्याच चित्रपटांचे रेकॉर्ड मोडले आहेत. 'टायगर 3' आता विकेंडच्या शेवटी किती कोटींचा गल्ला जमवतो याकडे सर्वांचे लक्ष लागले आहेत.
दिग्दर्शक मनीष शर्माचा 'टायगर 3' हा एक अॅक्शन थ्रिलर आहे ज्यामध्ये सलमान खान, कतरिना कैफ आणि इमरान हाश्मी मुख्य भूमिकेत आहेत तर रेवती, सिमरन, रिद्धी डोगरा, विशाल जेठवा, कुमुद मिश्रा, रणवीर शौरे आणि आमिर बशीर हे देखील आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
