Tiger 3 Song Ruaan: सध्या बॉलिवूडचा भाईजान सलमान खान आणि कतरिना कैफ त्यांच्या आगामी 'टायगर 3' चित्रपटामुळे चर्चेत आहेत. सलमानच्या या चित्रपटाची चाहते आतुरतेने वाट पाहत आहेत. चाहत्यांमध्ये या चित्रपटाची खुप क्रेझ पहायला मिळत आहे.
काही दिवसांपुर्वी या चित्रपटाचा ट्रेलर रिलिज करण्यात आला त्यानंतर निर्मात्यांनी चित्रपटाचे पहिले गाणे आणि प्रोमो रिलिज केला आता पुन्हा सलमान आणि कतरिनाच्या चाहत्यांना टायगर 3 चे निर्माते एक ट्रिट देणार आहे.
आता YRF ने त्याच्या अधिकृत यूट्यूब चॅनेलवर टायगर 3' मधील नवीन रोमँटिक गाणे रिलिज करण्यात आले आहे. अरिजित सिंगने या गाण्याला आपला आवाज दिला आह. 'रुआं' हे टायगर 3 मधील नवीन गाणे आहे. ज्यात सलमान आणि कतरिना हे रोमँटिक अंदाजात दिसत आहेत. सध्या तरी हा व्हिडिओ लिरिकल असला तरी या गाण्यात शेवटी टायगर आणि झोयाची केमेस्ट्री पहायला मिळत आहे.
हा व्हिडिओ शेअर करताना सलमान खानने लिहिले की, "रुआं लिरिकल व्हिडिओ आत्ता आऊट... बायोमधली लिंक... टायगर 3 या रविवारी, 12 नोव्हेंबरला हिंदी, तमिळ आणि तेलगूमध्ये चित्रपटगृहांमध्ये प्रदर्शित होत आहे."
हे गाणे सध्या सोशल मिडियावर व्हायरल होत आहे. ज्यानंतर सलमान खान आणि कतरिनाच्या चाहत्यांनी या व्हिडिओवर प्रतिक्रिया देणं सुरु केलं आहे. नेहमी प्रमाणे दोघांची जोडी प्रेक्षकांना खुप आवडली आहे.
टायगर 3 चे 'लेके प्रभू का नाम'चे पहिलं गाणं होत जे खुप लोकप्रिय झालं. या गाण्याला यूट्यूबवर 70 मिलियन व्ह्यूज आहेत. टायगरचे 5 नोव्हेंबरपासून चित्रपटाचे आगाऊ बुकिंग सुरू झाले आहे. आता चाहत्यांना फक्त चित्रपटाच्या प्रदर्शनाची प्रतीक्षा आहे.
Sacknilk च्या सुरुवातीच्या ट्रेंड रिपोर्टनुसार, चित्रपटाने आधीच अॅडवान्स बुकिंगमध्ये 4.2 कोटी रुपये कमावले आहेत आणि 140000 पेक्षा जास्त तिकिटे विकली गेली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
