Tiger 3 : गेल्या काही दिवसापासून बॉलिवूड अभिनेता सलमान खान आणि कतरिना कैफ यांच्या 'टायगर 3' या चित्रपटाची प्रेक्षकांना उत्सुकता होती. आज दिवाळीच्या खास मुहूर्तावर 'टायगर 3' बॉक्स ऑफिसवर रिलीज झाला आहे.
‘एक था टायगर’ या चित्रपटाचा हा तिसरा सिक्वेल आहे. बऱ्याच काळानंतर पुन्हा एकदा कतरिना कैफ आणि सलमानने प्रेक्षकांचे मनोरंजन केले आहे.
दिवाळीच्या सणासोबतच सलमानचे चाहते टायगर 3 च्या रिलीजचा आनंद घेत आहे. सध्या सोशल मिडियावर फक्त सलमान खान आणि टायगर 3 चीच चर्चा आहे. सोशल मीडियावरही चाहत्यांमध्ये या चित्रपटाची क्रेझ पाहायला मिळत आहे.
दिवाळीच्या दिवशी देखील सलमान खानचे चाहते हा चित्रपट पाहण्यासाठी थिएटरमध्ये जमले तर दुसरीकडे थिएटरबाहेर चाहते जल्लोष करत आहेत. ज्याचे व्हिडिओ सोशल मिडियावर व्हायरल होत आहे.
एका व्हिडीओत भाईजनाचे चाहते ढोलच्या तालावर एकसुरात नाचत आहे तर दुसरीकडे सलमान खानच्या टायगर 3चा एक उंच कटआउट फुलांनी सजलेला दिसत आहे.
दुसर्‍या व्हिडिओमध्ये थिएटरच्या बाहेर प्रचंड गर्दी दिसत आहे. प्रेक्षक टायगरच्या लूकमध्ये दिसत आहेत आणि 'भाईजान'च्या घोषणा देत आहेत. अनेकांनी टायगरचा स्कार्फ घातला होता. तर काहींनी केक कापून आनंद व्यक्त केला आहे.
या चित्रपटात सलमान खान, कतरिना कैफ आणि इम्रान हाश्मी मुख्य भूमिकेत दिसत आहेत. इम्रान खलनायकाच्या भूमिकेत दिसत आहे. या चित्रपटाला सोशल मीडियावर चाहत्यांचा चांगला प्रतिसाद मिळत आहे.
#Tiger3, #War2, #Cameo, #ShahRukhKhan, #SalmanKhan आणि #Pathaan असे अनेक हॅशटॅग ट्रेंड होत आहे. टायगर 3 हा आदित्य चोप्रा निर्मित स्पाय युनिव्हर्समधील एक चित्रपट आहे. एक था टायगर, टायगर जिंदा है, वॉर आणि पठाणनंतर आता टायगर 3 प्रेक्षकांच्या भेटीला आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
