'तुझ्यात जीव रंगला' या लोकप्रिय मालिकेत राणादाला मॅटवरची कुस्ती शिकवणारी सखी म्हणजेच अभिनेत्री ऋचा आपटे हिने गुपचूप साखरपुडा उरकला आहे. ऋचाने वर्षभरानंतर साखरपुड्याचा फोटो सोशल मीडियावर पोस्ट करत चाहत्यांना सुखद धक्का दिला आहे. 'मुळशी पॅटर्न' या चित्रपटात झळकलेला अभिनेता क्षितिज दाते याच्याशी ऋचाने साखरपुडा केला आहे. तिच्या या फोटोवर सध्या सेलिब्रिटी आणि चाहत्यांकडून शुभेच्छांचा वर्षाव होतोय.
'या गोष्टीला वर्ष झालं', असं म्हणत ऋचाने #engagementin2020 हा हॅशटॅग वापरला. १० फेब्रुवारी २०२० रोजी ऋचा आणि क्षितिजचा साखरपुडा पार पडला. मात्र वर्षभर तिने ही बातमी चाहत्यांपासून लपवली. आता सोशल मीडियावर फोटो पोस्ट करत तिने क्षितिजसोबतचं नातं जगजाहीर केलं आहे. तिच्या या फोटोवर स्वानंदी टिकेकर, ऋतुजा बागवे, पियुष रानडे, पर्ण पेठे, पल्लवी पाटील अशा अनेक सेलिब्रिटींनी शुभेच्छांचा वर्षाव केला आहे.
हेही वाचा : प्राजक्ता माळीने अनुभवला पॅराग्लायडिंगचा थरार
ऋचा आणि क्षितिजने 'बन मस्का' या झी युवा वाहिनीवरील मालिकेत एकत्र काम केलं होतं. या मालिकेच्या शूटिंगदरम्यान दोघं एकमेकांच्या प्रेमात पडले. क्षितिज अभिनयासोबतच दिग्दर्शन क्षेत्रातही कार्यरत आहे. 'मुळशी पॅटर्न' या चित्रपटात त्याने साकारलेली गण्याची भूमिका विशेष गाजली. यानंतर तो प्रवीण तरडे दिग्दर्शित 'सरसेनापती हंबीरराव' या आगामी चित्रपटातही एका महत्त्वपूर्ण ऐतिहासिक भूमिकेत झळकणार आहे. ऋचाने 'तुझ्यात जीव रंगला' या मालिकेसोबतच 'दिल दोस्ती दुनियादारी', 'अस्सं माहेर नको गं बाई' या मालिकांमध्ये भूमिका साकारल्या होत्या. तिने चित्रपट आणि मराठी नाटकांमध्येही काम केलंय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.