मुंबई : आपली सह-कलाकार तुनिषा शर्मा हिच्या मृत्यूप्रकरणी कथित आरोप असलेला अभिनेता शिझान खानने पोलिस कोठडीदरम्यान आपल्या कथित दुसऱ्या मैत्रिणीसोबतचे व्हॉट्सअॅप चॅट डिलीट केले, असा दावा महाराष्ट्र पोलिसांनी केला आहे. शिझानच्या 5 दिवसांच्या रिमांडसाठी पोलिसांनी कोर्टात सादर केलेल्या अर्जात अधिकाऱ्यांनी असा दावा केला. (Tunisha Sharma Suicide Case news in Marathi )
शिझान खानचे तुनिशा शर्माशिवाय इतर एका मुलीशी प्रेमसंबंध होते. मात्र ताब्यात घेतल्यानंतर त्याने त्याच्या मोबाइलमधील अनेक चॅट डिलीट केले होते. जप्त करण्यात आलेल्या काही चॅटनुसार, आरोपी इतर अनेक मुलींशीही बोलत असे, अशी माहिती पोलिसांनी दिली. आरोपीच्या मोबाईलवर तपासादरम्यान अनेक महत्त्वाच्या चॅट आढळून आल्या आहेत, त्यात ब्रेकअपनंतर आरोपीनं तुनिषापासून स्वत:ला दूर करायला सुरुवात केल्याचं समोर आलं आहे.
तुनिषा आरोपी शिझानला वारंवार मेसेज करत असे, पण शिझानने त्याला प्रतिसाद दिला नाही. २४ डिसेंबर रोजी शिझानने या मालिकेच्या सेटवर तुनिषाला थप्पड लगावली होती, असे तुनिषाच्या आईने आपल्या रेकॉर्ड केलेल्या जबाबात म्हटले आहे. याशिवाय आरोपी तुनिषाला उर्दू शिकून हिजाब घालण्यास सांगत होता, मात्र याबाबत अद्याप दुजोरा मिळालेला नाही, असा खुलासाही पोलिसांनी केला आहे.
अधिकाऱ्यांनी पुढे दावा केला की, सीसीटीव्ही फुटेजनुसार, तुनिषा आत्महत्या करण्यापूर्वी शिझानच्या मेकअप रूममध्ये गेली आणि थोड्या वेळाने बाहेर आली. मग असं दिसतं की शिझान सेटवर गेला आणि तुनिषा त्याच्या मागे लागली, पण सेटच्या गेटवर गेल्यानंतर ती पुन्हा आपल्या मेकअप रूममध्ये परतली. पोलिसांनी कोर्टाकडे पाच दिवसांची रिमांड मागितली, मात्र कोर्टाने आरोपी शिझानला 31 डिसेंबरपर्यंत पोलीस कोठडी सुनावली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
