New Marathi Drama : ‘मर्डरवाले कुलकर्णी’ मध्ये वैभव आणि संतोषची जोडी जमली! नव्या थाटात, नव्या रुपात येणार प्रेक्षकांसमोर

Vaibhav Mangle Marathi Actor Santosh Pawar Writer Murdurwale Kulkarni : मराठी चित्रपट विश्वामध्ये आपल्या अभिनयानं आणि अफलातून कॉमेडीच्या टायमिंगनं प्रेक्षकांचे निखळ मनोरंजन करणारे दिग्गज अभिनेते म्हणून वैभव मांगले यांचे नाव घ्यावे लागेल. त्यांचा चाहतावर्ग मोठा आहे. सोशल मीडियावर त्यांना फॉलो करणाऱ्यांची संख्याही मोठी आहे. मांगले हे नेहमीच चाहत्यांशी वेगवेगळ्या माध्यमातून संवाद साधत असतात.

आता वैभव मांगले यांनी चाहत्यांसाठी एक आनंदाची बातमी दिली आहे. त्यांचे एक विनोदी नाटक चाहत्यांच्या भेटीला येणार आहे. त्याची जोरदार चर्चाही सुरु झाली आहे. वैभव मांगले आणि लेखक-दिग्दर्शक अभिनेते संतोष पवार हे विनोदाचे दोन हुकमी एक्के रंगमंचावर एकत्र येत धमाल उडविण्यास सज्ज झाले आहेत.

Mahua Moitra : महुआ मोइत्रा यांच्यावरील कारवाई आणि वादांची मालिका

‘मर्डरवाले कुलकर्णी’ या आगामी नाटकात हे दोन्ही कलाकार पहिल्यांदाच एकत्र येणार आहेत. येत्या २४ नोव्हेंबरला हे नाटक रंगभूमीवर दाखल होणार आहे. वैभव मांगले यात मध्यवर्ती भूमिकेत असून संतोष पवार यांच्या भन्नाट दिग्दर्शनाखाली या नाटकाचा पट रंगला आहे. अष्टविनायक संस्थेचे दिलीप जाधव यांनी नाटकाची निर्मिती केली असून सहनिर्मात्या मयुरी मांगले आणि निवेदिता सराफ आहेत.

प्रेक्षकांना मनमुराद हसवण्यासाठी आम्ही सज्ज असून आमच्या दोघांची केमिस्ट्री ‘मर्डरवाले कुलकर्णी’ या नाटकामध्ये सॉलिड धमाल आणेल, असा विश्वास या दोघांनी व्यक्त केला. एकत्र काम करताना आम्हाला खूपच मजा आल्याचे हे दोघेही सांगतात.

अष्टविनायक संस्थेच्या ‘मर्डरवाले कुलकर्णी’ नाटकाचे लेखन जयंत उपाध्ये यांचे असून या निखळ कौटुंबिक मनोरंजक नाटकात भार्गवी चिरमुले, निमीश कुलकर्णी, सुकन्या काळण, विकास चव्हाण आदि कलाकारांच्याही भूमिका आहेत.

या नाटकाची गाणी वैभव जोशी यांनी लिहिली असून नेपथ्य संदेश बेंद्रे यांचे आहे. प्रकाश योजना रविरसिक तर संगीत आशुतोष वाघमारे यांचे आहे. संतोषची दिग्दर्शनाची अनोखी शैली आणि वैभव यांच्या अभिनयाचा हटके अंदाज ‘मर्डरवाले कुलकर्णी’ मधून प्रेक्षकांना जिंकून घेणार का हे पाहणे उत्सुकतेचे ठरणार आहे. घालणार हे नक्की.