Vaishali Shinde Passed Away: आंबेडकरी चळवळीचा बुलंद हरपला. आंबेडकरी चळवळीत सक्रीय असणाऱ्या महाराष्ट्राच्या ख्यातनाम गायिका वैशाली शिंदे यांचे काल दि. 19/10/23 रोजी सांय 7 वाजता केईम हॉस्पीटल मुंबई येथे दुःखद निधन झाल्याची बातमी समोर आलीय.
वैशाली शिंदे या ६२ वर्षांच्या होत्या. त्यांच्या पश्चात एक मुलगा आहे. घाटकोपर येथील भटवाडी स्मशानभूमीत त्यांच्यावर अंत्यसंस्कार होणार आहेत.
वैशाली या गेले अनेक महिने मधुमेहाने ग्रस्त होत्या. त्यातच त्यांच्या पायाला गॅंगरीन झाले होते. केईएम हॉस्पीटलमध्ये त्यांच्यावर उपचार सुरु होते. मात्र उपचारादरम्यान त्यांची प्राणज्योत मालवली. (Latest Marathi News)
वैशाली शिंदे यांना आई - वडिलांकडून गायनाचा वारसा मिळाला. त्यांचे आई - वडिल भीमगीतं गात असत. त्यामुळे लहानपणापासूनच भीमगीतांचं महत्व आणि शिकवण वैशाली यांना मिळाली. पुढे त्या आई - वडिलांसोबत पुण्यात स्थायिक झाल्या. विष्णू शिंदे यांच्याशी विवाह करुन त्या पुढे मुंबईत आल्या.
आई - वडिलांकडून मिळालेली शिकवण घेऊन भीमगीतं गाऊन वैशाली शिंदे यांनी आंबेडकरी चळवळीला आवाज दिलाय. त्यांच्या बुलंद आवाजातुन त्यांनी आंबेडकरी चळवळीला ऊर्जा देत आपल्या गायनातून समाज प्रबोधन केले.
वैशाली शिंदे यांच्या निधनाने विविध स्तरांमधून मान्यवरांनी श्रद्धांजली वाहिली आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
