Vicky Kaushal Favorite Actress: कतरिना सोडून आवडती अभिनेत्री कोण? विक्कीनं काय दिलं उत्तर

Vicky Kaushal Favorite Actress: बॉलिवूड अभिनेता विकी कौशल त्याच्या आगामी 'सॅम बहादूर' या चित्रपटामुळे चर्चेत आहे. त्याचे चाहते या चित्रपटाची आतुरतेने वाट पाहत आहेत. काही दिवसांपुर्वी या चित्रपटाचा टीझर प्रदर्शित झाला आहे.ज्याने प्रेक्षकांना खूप प्रभावित केले. आता सध्या विकी कौशल या चित्रपटाच्या प्रमोशनमध्ये व्यस्त आहे.

या दरम्यान विकीनं भारतीय सैन्याच्या 21C 6 शीख रेजिमेंटच्या सैनिकांची भेट घेतली होती. तेव्हा एका सैनिकाने त्याला त्याच्या आवडत्या अभिनेत्रीबद्दल प्रश्न विचारला. यावेळी विकी कौशलने दिलेल्या उत्तरामुळे सध्या तो चर्चेत आला आहे.

तुझी आवडती अभिनेत्री कोणती हा प्रश्न विचारल्यानंतर विकी म्हणाला की, 'पाजी, मी तुला उत्तर देण्याच्या नादात मी माझ्या घरात भांडण होऊ देणार नाही. मला दुसरी कोणतीच अभिनेत्री दिसत नाही. एक माझे ध्येयही आर्मीसारखचं आहे. जे मिशन आहे, तेच आहे.' विकीचे हे उत्तर ऐकल्यानंतर सर्वच खुप हसले. सध्या विकीच्या या उत्तराची सोशल मिडियावर चर्चा आहे.

यावेळी जरी विकी कौशलने आवडत्या अभिनेत्रीचे नाव घेतले नाही मात्र त्याने त्याच्या आवडत्या हिरोबद्दल सांगितलं. 'बच्चन साहेब हे नेहमीच माझे आवडते अभिनेते आहेत आणि त्यांच्यासोबत कधीतरी काम करण्याची संधी मिळावी हे माझे स्वप्न आहे.'' असं विकीनं सांगितलं.

सॅम बहादूर या चित्रपटात विकी सॅम माणेकशॉची भूमिका साकारत आहे. सॅम माणेकशॉ हे देशाचे पहिले फील्ड मार्शल होते. मेघना गुलजार दिग्दर्शित हा चित्रपट 1 डिसेंबर रोजी मोठ्या पडद्यावर प्रदर्शित होत आहे.