Vidyut Jammwal Controversy : 'जर तुमचा दिवस चांगला असेल तर तुम्हाला वाघ, हरिण अन्...' वीर दासनं विद्युतला सणसणीत टोमणा

Vidyut Jamwal Photo Controversy Social media : बॉलीवूडचा प्रसिद्ध अभिनेता विद्युत जामवाल हा टीकेचा धनी होताना दिसतो आहे. त्याचे कारणही खास आहे. ते म्हणजे त्यानं त्याच्या बर्थ डे च्या निमित्तानं केलेलं फोटोशुट. हे फोटोशुट चर्चेत आलं आहे. जंगलातील त्याच्या त्या एका फोटोनं तो नेटकऱ्यांच्या रडारवर आला आहे.

कित्येकांनी त्याला ट्रोल केले आहे. चाहत्यांनी त्या वेगळेपणाचं कौतुक केलं आहे.काही महिन्यांपूर्वी प्रख्यात अभिनेता रणवीर सिंगनं देखील केलेल्या न्युड फोटोशूटनं खळबळ उडाली होती. इंस्टावर त्यानं तो फोटो पोस्ट केला आणि गदारोळ झाला होता. कित्येक बॉलीवूडच्या सेलिब्रेटींनी रणवीरच्या क्रिएटिव्हीटीचे कौतुक केले होते. दुसरीकडे नेटकऱ्यांनी त्याला खडेबोल सुनावले होते. एवढेच नाहीतर कित्येक सामाजिक संघटनांनी रणवीर सिंगवर गुन्हा दाखल करावा अशी मागणीही केली होती.

त्यानंतर विद्युतनं जंगलातील न्युड फोटोशुटनं नेटकऱ्यांना प्रतिक्रिया देण्यास भाग पाडले आहे. यात अभिनेता आणि कॉमेडियन वीर दासनं विद्युतला चांगलाच टोमणा मारला आहे. त्यानं एक्सवर शेयर केलेली पोस्ट चर्चेचा विषय आहे. वीर हा नेहमीच त्याच्या हटके प्रतिक्रियांसाठी ओळखला जाणारा सेलिब्रेटी आहे. यापूर्वी तो परदेशातील त्याच्या एका वक्तव्यामुळे वादाच्या भोवऱ्यात सापडला होता. त्याच्यावर खूप टीकाही झाली होती.

काही रियॅलिटी शो मध्ये देखील वीर सहभागी झाला होता. त्यावरुन तो लाईमलाईटचा विषय झाला आहे. आता त्यानं विद्युतच्या त्या फोटोवर दिलेली प्रतिक्रिया विद्युतच्या चाहत्यांना काही आवडलेली दिसत नाही. वीर म्हणतो, कॉर्बेट नावाच्या जंगलात जाण्याची उत्सुकता आता वाढली आहे. जर तो दिवस चांगला असेल, आणि तुम्ही ज्या ग्रुपबरोबर आहात तो शांत असेल तर तुम्हाला वाघ दिसेल, हरिण दिसेल, काही दुर्मिळ पक्षीही दिसतील. त्यात विद्युत जामवालही दिसेल.

अशा शब्दांत वीरनं त्याची प्रतिक्रिया दिली आहे. त्यामुळे तो चर्चेत आला आहे. यानंतर त्याच्या त्या वक्तव्यावर नेटकऱ्यांनी त्याला प्रत्युत्तरही दिल्याचे दिसून आले आहे.